VOV4.K’ho – Tàm hìu Quốc hội, Mpồl kuang bàng sền sơ wì bơh Ủy ban thường vụ Quốc hội pa geh dơ\ lơh broă mờ Chính phủ, ală Bộ, gah sơnah lơh broă bè broă atbồ mờ ngui ală kes priă priă jền bơdìh kes priă dà lơgar dê tơngai bơh nam 2013-2018.

Jat jơnau yal, Chính phủ pơn jat tai tơr gùm kờp sền mờ săp sèng wơl ală kes priă priă jền dà lơgar pơgồp bal mờ sơlơ tơnguh bơta pràn jakai mpồl kuang bàng dà lơgar in atbồ kes priă, jat kơrnoat pal jat ơm ală kes priă ờ geh tơl pràn rơndap tap sèng is, broă lơh ờ geh cồng nha halà kes priă geh khà priă tă mờ kơnòl tă priă ndrờm mờ kes priă dà lơgar dê; lơh jat broă tơmut bal ală kes priă geh jơnau kờ` ndrờm bal. Kes priă lơi ờ ngui tus kes priă dà lơgar dê mờ geh bơta gơ rềng niam tus bơta bơtàu tơnguh lơh sa- mpồl bơtìan dê den kung gam geh crơng gơs sơl.

Cau mblàng K’ Hạnh