VOV4.K’ho – Drim òr (11/7), Ban Kinh tế dà lơgar bơyai lơh Pơrjum sền wơl broă lơh 6 nhai bồ nam mờ gùng dà broă lơh, kơnòl broă 6 nhai lồi nam 2019. Kuang atbồ Ban Kinh tế dà lơgar, ồng Nguyễn Văn Bình neh đơng lam pơrjum. 6 nhai bồ nam do, tềng đap bơta đơng lam bơh Kuang đơng lam bồ Ban Kinh tế dà lơgar dê, broă bơyai lơh kơ lôi sơ nơng, bơt bơtàu ală rơndap broă lơh yal Bộ Chính trị, Ban Bí thư in geh rơcang lài lam lơh.

Đơs pơn dut pơrjum, Kuang atbồ Ban Kinh tế dà lơgar đơs ngan 6 nhai lồi nam kờ` pal tơr gùm lơh gơs ală rơndap broă lơh dờng yal Bộ Chính trị, Ban Bí thư in; pơgồp bal mờ ală anih lơh broă geh gơ rềng bơyai lơh Cribơyai dờng màng mờ Ràng tơlik dunia Công nghiệp 4.0 dơ\ 3, tus bal bơt bơtàu sră nggal pơrjum dơ\ 13 bơh Đảng dê; pơn jat tai kơlôi sơnơng, bơt bơtàu jơnau yal bè broă lơh sa dờng jat tơngai pơrgon yal Bộ Chính trị, Ban Bí thư in; tam gơl pa mờ tơnguh cồng nha broă lơh sền gròi lơh jat Nghị quyết, gùng dà broă lơh bơh Đảng dê bè lơh sa - mpồl bơtiàn.

Cau mblàng K’Duẩn