VOV4.K’ho- Tàm [òn dờng Buôn Ma Thuột, càr Dăk Lăk, Ban lam sồr làng bol dà lơgar dê bơyai lơh pơrjum tơn jơh broă lơh lam sồr làng bol gah mặt trận Dà lơgar mờ ală mpồl chính trị- mpồl bơtiàn nam 2019, lam lơh jăt kơnòl broă tờm kuơmàng nam 2020.

Tàm pơrjum, mò Trương Thị Mai, Kuang ătbồ Ban lam sồr làng bol dà lơgar đơs niam ngan cồng nha lơh geh bơh mặt trận dà lơgar Việt Nam mờ ală mpồl lơh broă chính trị- mpồl bơtiàn dê bè broă lơh lam sồr làng bol tàm nam 2019, lơh geh bơta pin dờn mờ là anih kơldìng kơ\ kơl jăp ngan ai cau tàm mpồl, đoàn viên mờ ală rơnàng làng bol in.

Mò Trương Thị Mai sồr, mặt trận dà lơgar Việt Nam, ală mpồl lơh broă chính trị- mpồl bơtiàn pal tơrgùm bơsong jơh ală bơta gam gơkòl, pơn jăt tai lơh pràn broă lơh sền gròi drơng gàr rài kis làng bol dê.

Di tàm dơ\ do, mpồl lơh broă bơh Ban lam sồr làng bol dà lơgar mờ Mpồl tam klăc cau ùr Việt Nam bơyai lơh jàu phan “Sa tềp kờ` gơboh” ai ală hìu bơnhă chính sách, cau ùr r[ah tàm mpồl in mờ jàu priă dong kờl bơsram ai ală kơnòm bơsram r[ah bơsram jak tàm ù tiah càr Dăk Lăk dê in.

Cau mblàng Lơ Mu K’Yến