VOV4.K’ho – Ngai òr 01 nhai 4, Binh đoàn 15 (Bộ Quốc phòng) pơ gồp bal mờ ală tiah tàm tiah nhàr dà lơgar bơh càr Gia Lai dê bơyai lơh tàp dờp làng bol mut tàm dùl anih tam cah is tơr gùm bal bơh Binh đoàn dê lơh, rơcang ai broă lơh rơcang sơndră kòp tàm khà jơnhua ngan rlau jơh in.

Jat kuang dơng lam bồ Binh đoàn 15 pà git, tus tu\ do, Binh đoàn 15 neh lơh 15 anih tam cah is tàm jơh gùt tiah nhàr dà lơgar đah tô Tây Nguyên, tơl pràn nàng tam cah is rlau 2 rbô nă. Ală anih tam cah is do, lài ngan geh ai làng bol lơgar Việt Nam bơh lơgar Lào mờ lơgar Campuchia rê wơl hờ lơgar in jat gùng bơh càr Kon Tum mờ Gia Lai. Dơ\ tàp do nàng kờ` lơh gơs jơh ală broă, rơcang ai broă dờp 120 nă cau tàm dơ\ sơn rờp, geh lơh tàm ngai do, 2 nhai 4.

Ală dơ\ dờp tam cah is tơ nơ\ hơ\, gơ jat tàm jơnau sồr ngan ngồn bè rơcang sơndră kòp Covid-19, geh Binh đoàn lam lơh tàm jơh ală ù tiah lơh sa Binh đoàn dê tàm 2 càr Gia Lai mờ Kon Tum.

Cau mblàng K’ Duẩn