VOV4.K’ho- Jăt Bộ Công thương yal, nam 2019 là nam kal ke ngan gơ wèt mờ gah lơh tiêu lơgar Việt Nam dê tu\ priă tăc tiêu gơmù, gơguh lơyaì pơndrờm bal dùl tu\ mờ nam lài. Nàng tơnguh bơta pràn tàm pơrlòng mờ ngui geh bơta [ươn bơh ală hiệp định kă bro dê, gah lơh tiêu pal tam gơl pa broă lơh gơguh tai, sền dờng màng tơn bơh broă tiêu pa pik tơnhàu nàng lơh gơlik phan bơna niam ngan.

Việt Nam tu\ do geh pơgăp 10 rbô lồ tiêu ai tơnhàu bal mờ cồng nha lơh geh kờp bal pơgăp 24,7 tạ tàm dùl lồ, ndrờm mờ khà lơh geh pơgăp 247 rbô tần. Tăc tiêu mờ lơgar ndai gam mờ digơlan pơn jăt tai kong mờ kal ke tài bơh priă tăc gơ ơm tàm khà lơyah tu\ tiêu lơh geh uă rlau mờ jơnau kờ` ngui sa mờ bơta tàm pơrlòng kal ke ngan tàm drà dunia.

Bộ Công thương gam jơh nùs lơh jăt broă lơh yal tơngit tiêu tàm drà kă bro tàm lơgar ndai mơkung dong kờl Mpồl lơh tiêu Việt Nam lơh jăt ală broă lơh hòi jà kă bro bơh he dê, tàm hơ\ sền dờng màng tus tiah đah tô măt tơngai lik châu Á, Trung Đông, Lo, Mỹ mờ EU.

Cau mblàng Lơ Mu K’Yến