VOV4.K’ho- Tàm dơ\ pơrjum Thường trực Chính phủ mho ngai 22/4 bè rcăng sơndră kòp Covid-19 bơh ồng Nguyễn Xuân Phúc Thủ tướng Chính phủ đơng lam, Bộ Giáo dục mờ Đào tạo neh yal gùng dà broă lơh bơyai lơh dơ\ pơrlòng jơh bơsram kấp pe nam 2020.

Jăt jơnau yal bơh ồng Phùng Xuân Nhạ Bộ trưởng Bộ Giáo dục mờ Đào tạo dê, bơta ờ ndrờm bal uă ngan rlau jơh bơh dơ\ pơrlòng nam do dê pơndrờm mờ ală nam lài hơ\ là bơyai lơh dơ\ pơrlòng jơh bơsram kấp pe ờ gam tai là pơrlòng jơh bơsram kấp pe dà lơgar.

Bơta do là dipal mờ Adat Bơto bơtê nam 2019, geh ai ngui bơh ngai 1/7 tus, kờp bơh tơngai do geh hòi là dơ\ pơrlòng sền swì jơh bơsram kấp pe, ai jàu gơnoar lơh tờm is pơrlòng rwah kơnòm bơsram ai ală hìu bơsram cao đẳng, đại học in.

Broă bơyai lơh dơ\ pơrlòng jơh bơsram kấp pe do geh bơh ală tiah bơyai lơh is gơ jăt bal mờ broă lòt sền, lùp sền krà` cê jơh nùs. Ală tiah geh jàu kơnòl đơng lam broă lơh bơyai lơh pơrlòng, sền pơrlòng, ai điềm pơrlòng cih kơlôi lơh is.

Bộ Giáo dục mờ Đào tạo pơn jăt tai ai tơlik jơnau ai pơrlòng gùt lơgar, ngui măy mok yal tơngi\t jơnau nàng ătbồ krà` jơnau lơh jơnau pơrlòng; pơn jăt tai bơyai lơh ai điềm pơrlòng trắc nghiệm tàm măy tính.

Cau mblàng Lơ Mu K’Yến