VOV4.K’ho – Drim òr (27/8), mpồl lơh broă bơh Bộ Lao động, Thương binh mờ Xã hội dê neh geh dơ\ lơh broă mờ Mpồl đơng lam rơndap broă lơh rơcang sơndră bu\ dà tàm kơnòm dềt càr Dak Lak nàng kờ` sền sơwì bè tơngai bơh sơn rờp bơh rơndap broă lơh dong kờl lam lơh ală broă lơh geh cồng nha mờ kơ\ kơljap bè rơcang sơndră bu\ dà tàm càr Dak Lak.

Rơndap broă geh lam lơh bơh ngai 17/5/2019, tơngai sơn rờp lam lơh tàm 8 xã bơh kơnhòal Ea Kar dê mờ jơnau kờ` geh 1 rbô nă kơnòm dềt tàm sơnam bơsram kấp 1 mờ kấp 2 geh bơto jơnau git wă ờ do ờ dă tàm dà; rlau 700 nă kơnòm dềt bơh 6 tus 15 sơnam geh bơsram re dà ờ do ờ dă; ală xã geh sơntèk re dà halà anih bơto re dà kơ nòm dềt in tơl niam ờ do ờ dă.

Tus tu\ do, rơndap broă neh lam lơh geh 24 ơdu\ bơto re dà mờ 480 nă kơnòm dềt tus bal bơsram re dà. Đơs bè tơngai lam lơh mờ cồng nha lơh geh bơh sơn rờp bơh rơndap broă geh lơh tàm càr Dak Lak dê, mpồl lơh broă đơs là, Dak Lak là tiah geh tơngai lam lơh mhar mờ geh cồng nha, kơp kờ` tàm tơngai tus, Dak Lak pơn jat tai lam lơh uă rơndap broă do tus 2, 3 tiah tàm càr, ngan là ală tiah geh jơnau digơlan gơlik geh bu\ dà tàm kơnòm dềt uă.

Cau mblàng K’Duẩn