VOV4.K’ho- Drim do 6/5, tàm Hà Nội, Bộ Nông nghiệp mờ Phát triển Nông thôn bơyai lơh pơrjum bơyai gùng dà broă lơh dong bơtàu tơnguh ròng sur. Khà ròng wơl sur tàm quí 1 geh 6,3%, mơya mìng is tàm gah 15 mpồl lơh sa kă bro ròng uă sur den khà ròng gơguh tus 17%. Yal lài, tơngai tus do, khà ròng uă sur geh gơguh mhar ngan. Tài bè hơ\, den tàng tu\ do kung gam gàr geh mpồl sur sơntìl tờm là 109 rbô nơm, kung gam sơl pơgăp 2 tơlak 700 rbô nơm sur me.

Bộ Nông nghiệp mờ Phát triển Nông thôn đơs, mờ khà ròng gơguh bè do tus lồi qúi 3 mờ bồ quí 4 digơlan lơh geh khà sur ndrờm mờ tơngai uă ngan rlau jơh tàm lồi nam 2018, tơngai lài mờ tu\ gơbàn kòp jê ndul gơjroh sur châu Phi, mờ tu\ hơ\ geh tơl sur nàng tăc tàm drà.

Bè gùng dà broă lơh dong bơtàu tơnguh ròng sur, Bộ Nông nghiệp mờ Phát triển Nông thôn gam pơgồp bal mờ ală tiah bal mờ mpồl lơh sa kă bro lam lơh jăt broă lơh ròng uă sur, ròng wơl sur jăt gùng dà ờdo ờdă sinh học, ròng wơl sur mhar ngan rlau jơh mơya pal gàr niam ờdo ờdă ba` lời bơtờp kòp.

Cau mblàng Lơ Mu K’Yến