VOV4.K’ho- Mho ngai 17/2, Mpồl kuang bàng bơh Bộ Nông nghiệp mờ Phát triển Nông thôn dê bơh ồng Nguyễn Hoàng Hiệp Thứ trưởng Bộ Nông nghiệp mờ Phát triển Nông thôn lam bồ neh geh dơ\ lơh broă mờ UBND càr Dăk Lăk bè lòt sền ală broă lơh ală rơndăp broă lơh tơnau dà Krông Pach Thượng mờ rơndăp broă lơh tơnau dơng dà Ia Mơr (tơngai dơ\ 2) tàm ù tiah càr dê.

Ồng Nguyễn Hoàng Hiệp, Thứ trưởng Bộ Nông nghiệp mờ Phát triển Nông thôn đơs tàm dơ\ lơh broă

Lơh broă mờ kuang đơng lam bồ càr Dăk Lăk, mpồl kuang bàng jờng rơ ngan nùs nhơm lơh broă geh kơnòl uă bơh càr dê tàm tu\ lơh ală rơndăp broă lơh do. Pơndu\t dơ\ lơh broă, ồng Nguyễn Hoàng Hiệp sồr càr Dăk Lăk pơn jăt tai lơh pràn broă lơh mblàng yal nàng làng bol in gi\t wa\ bè bơta kuơmàng bơh ală broă lơh tơnau dơng dà do dê gơ wèt tus mờ bơta bơtàu tơnguh lơh sa sươn sre bơh càr dê, lơh geh bơta dùl nùs bal tàm broă ai ù lơh tơnau dơng dà.

Bal mờ hơ\, càr Dăk Lăk pal jơh nùs pơgồp bal mờ Mpồl ătbồ bơcri priă mờ lơh bơtơ\t rbòng dà sồ 8 mờ ală anih lơh broă bơh Bộ Nông nghiệp mờ Phát triển Nông thôn dê tus kờp sền, sền swì, geh ală broă lơh tă bơsong kal ke, mơya yal mờ dan bơsong ală bơta kòl yan, kal ke ờ hềt dipal nàng di tu\ sền swì, bơsong.

Cau mblàng Lơ Mu K’Yến