VOV4.K’ho – Drim ngai 7/4, Bộ Quốc phòng bơyai lơh pơrjum pờ tơlik tơn tàm internet lam lơh jat kơ nòl broă, broă lơh jal mhar rơcang sơndră kòp Covid-19. Tus tu\ do, ală pôs ling tàm gùt ling klàng neh lơh 142 anih tam cah is, tam cah is rlau 66 rbô nă cau, tàm hơ\ neh jơh tơngai tam cah is 54 rbô 465 nă. Ală mpồl ling sùm gàr broă lơh jat nền nòn ală jơnau sồr sơndră bơ tờp kòp tàm anih catm cah is, sơndră bơ tờp kòp ai mpồl cau drơng broă tàm anih tam cah is in.

Tus tu\ do, ờ hềt git go\ cau bơ tờp kòp Covid-19 tàm gùt ling klàng. Gàr tơl phan sa, phan ngui kuơmàng, bơyai lơh niam `ô sa kloh niam ờ do ờ dă phan sa, ờ geh bơta khih phan sa gơlik geh tàm ală anih tam cah is.

Tềng đap bơta kòp Covid-19 pơn jat tai gơlik geh kal kel, Thượng tướng Trần Đơn, Thứ trưởng Bộ Quốc phòng sồr, ală mpồl ling tàm ling klàng lơh jat nền nòn jơnau sồr tàm anih tam cah is, pơn jat tai lơh niam broă lơh sền gròi ală gùng wềt, gùng pờ, rơcang rề ơnàng ală anih tam cah is nàng rơcang dờp khà làng bol tàm lơgar Campuchia mờ lơgar Lào rê hờ lơgar.

Cau mblàng K’Duẩn