VOV4.K’ho – Drim ngai 27/4, Thượng tướng Trần Đơn, Thứ trưởng Bộ Quốc phòng, Kuang atbồ Mpồl đơng lam rơcang sơndră kòp Covid-19 Bộ Quốc phòng neh đơng lam pơrjum pờ tơlik tơn tàm internet sền sơwì cồng nha broă lơh rơcang sơndră kòp mờ gơ rềng bơh kòp Covid-19 dê gơ wèt tus mờ ală gah broă lơh ling klàng – sền gàr dà lơgar.

Đơs tàm dơ\ pơrjum, Thượng tướng Trần Đơn sồr ală anih lơh broă, mpồl lơh broă pơn jat tai rơcang lài tam gơl broă rơndap lơh, gơ jat bal mờ broă gơlik geh bơh kòp dê, ờ lời gơtìp rmơp dơl, nisơna tàm tơl broă gơlik geh. Mơkung tơnguh jơnau rơcang ngac, tu\ lơi kung rơcang lài lơh broă, tam lơh sền gàr kơ\ gơnoar tờm dà lềng, bồt dà lềng, tiah nhàr dà lơgar, sền gàr kơ\ lơngap lơngai chính trị, ờ do ờ dă mpồl bơtìan.

Thượng tướng Trần Đơn tơngkah ală mpồl ling pal gàr niam broă lơh hậu cần, chồl pràn broă tơnguh lơh sa, gàr kơ\ kơljap rài kis cau ling; kờp sền ngan ngồn, bơ tơl phan bơna, gàr kơ\ pôs ling, tơnguh cồng nha 4 tơn tàm dùl anih, gàr niam ngan rlau jơh bè broă ơm rlô, sàu sa ai cau gơtìp tam cah is in jat jơnau sồr.

Cau mblàng K’Duẩn