VOV4.K’ho- Bal mờ broă dong kờl phan bơna sơnơm tơm [a, Bộ Quốc phòng Việt Nam kung ai dùl mpồl kuang bàng jak chài tus lơgar Lào cribơyai ală gùng dà broă lơh pơgồp bal rcang sơn dră kòp Covid-19.

Tơnơ\ tu\ tus tàm càr lơgar Vientiane, lơgar Lào ngai òr 7/4, mpồl kuang bàng jak chài bơh Bộ Quốc phòng dê neh geh dơ\ lơh broă mờ Cục hậu cần ling klàng làng bol lơgar Lào bè ală broă lơh jal mhar pơgồp bal lam lơh jat geh gơ rềng tus broă rcang sơn dră kòp Covid-19.

Thiếu tướng Nguyễn Hùng Thắng, Phó Chủ nhiệm, Tham mưu trưởng Tổng cục Hậu cần lơh kuang atbồ mpồl pà g^t, mpồl lơh broă geh cribơyai mờ ală anih lơh broă geh gơnoar lơgar Lào dê tàm broă bơt bơtàu, rơdăp ală broă rơndap lơh geh gơ rềng tus broă rcang sơn dră kòp. Cribơyai, tam pà bal bè ală gah y học dự phòng, bè ală xét nghiệm yal tơng^t lài, sơm kòp ală cau kòp bơtờp virus Sars- CoV-2.

Cau mblàng K’ Hạnh