VOV4.K’ho- Pơn jăt tai dơ\ lòt lơh broă tàm Tây Nguyên, Mpồl lơh broă bơh Mpồl đơng lam Dà lơgar bè rcăng sơndră sa kuề sa kùa bơh Đại tướng ồng Tô Lâm, Bộ trưởng Bộ Kuang àng dê lam bồ neh geh dơ\ lơh broă mờ càr Dăk Lăk bè broă lơh rcăng sơndră sa kuề sa kùa.

Tơngai lài, Tỉnh ủy Dăk Lăk sền gròi ngan tus broă đơng lam rcăng sơndră sa kuề sa kùa tàm càr; di tu\ geh ală broă lơh, broă rơndăp lơh mờ tơrgùm đơng lam lơh jăt ngan ngồn ală kơrnoat sồr bơh Dà lơgar dê bè broă lơh do; broă lơh rcăng sơndră lài sa kuề sa kùa geh lơh jăt geh cồng nha.

Tàm dơ\ lơh broă, ală jơnau đơs tă pơgồp ai Mpồl đơng lam rcang sơndră sa kuề sa kùa càr Dăk Lăk in pal crơng gơs mpồl cau dong broă is, dong ai Mpồl đơng lam in bơsong geh cồng nha ală dơ\ broă bè brê bơnơm phan kuơ geh is, tiah ơm kis, ngan là bè ù tiah, chi chê brê bơnơm.

Tơn jơh dơ\ lơh broă, Bộ trưởng Bộ Kuang àng ồng Tô Lâm cih dờp mờ jờng rơ ngan ală broă lơh ngan, pơđơl pràn bơh Dăk Lăk dê tàm broă lơh rcăng sơndră sa kuề sa kùa; ring bal mờ ală jơnau đơs bè bơta ờ hềt pràn jak tàm broă lơh do tàm càr; mơkung đơs nền geh cih dờp ală jơnau đơs tă pơgồp, nàng bal mờ Ban Thường vụ Tỉnh ủy Dăk Lăk lơh gơs sră rơndăp cih jơnau yal.

 Cau mblàng Lơ Mu K’Yến