VOV4.K’ho- Mpồl kuang bàng lơh broă bơh mpồl đơng lam Dà lơgar bè broă sơndră mờ sa kuề sa koà neh geh dơ\ lơh broă mờ Ban Thường vụ Tỉnh uỷ Dak Nông kờ` ring bal rơndăp broă jơnau yal sền gròi, lam sồr broă sơndră mờ sa kuề sa koà tàm càr do nam 2019.

                       Bộ trưởng Bộ kuang àng ồng Tô Lâm geh jơnau đơs tàm dơ\ lơh broă

Đơs tàm dơ\ pơn du\t dơ\ lơh broă, Đại tướng Tô Lâm, Bộ trưởng Bộ kuang àng neh dờp mờ đơs niam ală broă lơh ngan tàm broă đơng lam, lam sồr bơh Tỉnh uỷ, Ban Thường vụ Tỉnh uỷ gơwèt mờ broă sơndră mờ sa kuề sa koà.

Bè ală kal ke, ờ pràn tàm broă sơndră mờ sa kuề sa koà tàm càr do, Bộ trưởng ồng Tô Lâm sồr: broă ngòt, pleh gam geh; ờ hềt sền kuơ broă sền gròi, bơto bơtê kuang bàng, cau geh đảng tàm broă lơh jăt kơnòl…

Tàm tơngai tus, Bộ trưởng ồng Tô Lâm sồr, càr pơn jăt tai bơyai lơh geh cồng nha ală nghị quyết, lam sồr bơh Dà lơgar bè broă sơndră mờ sa kuề sa koà; tơnguh broă sơndră lài mờ sa kuề sa koà.

Càr kung pal lơh niam broă lam sồr lùp sền, sền gròi mờ lơh glài nền nòn ală anih lơh broă, mpồl lơh broă ờ hềt lơh niam broă do kờ` tơnguh uă rơlao tai cồng nha sơndră mờ sa kuề sa koà…

Cau mblàng Ndong Brawl