VOV4.K’ho – Mho ngai 21/2, Đại tướng Tô Lâm, Bộ trưởng Bộ Kuang àng neh wă ồng Agostinho Andre de Carvalho Fernandes, Đại sứ lơgar Angola tàm lơgar Việt Nam. Tàm dơ\ wă, Bộ trưởng Tô Lâm nting sap tơngai lơh broă pa bơh ồng Đại sứ dê geh cồng nha, lơh geh ua\ cồng nha kuơmàng, bơh hơ\ pơgồp bơnah chồl pràn git gơp lơh broă bal, lơh bơyô ờs mờng niam bơne\ đah 2 lơgar Việt Nam mờ Angola.

Đơs nền, Bộ Kuang àng Việt Nam sùm sền dờng màng lơh broă bal bơtàu tơnguh mờ Angola, Bộ trưởng Tô Lâm đơs sùm, tu\ lơi kung rơcang ai mpồl kuang bàng cribơyai broă bal; tam pà jơnau yal, mờng chài bè sền gàr lơngap lơngai dà lơgar, rơcang sơndră cau tìs mờ lơh broă bal tàm ală broă ndai tàm ală gah sền gàr lơngap lơngai, kảnh sát, dong kờl rềs àr, rơcang sơndră mờ crùh ồs sa, lơh jat adat boh lam… Bộ trưởng, ồng Tô Lâm sồr tàm tơngai tus, ồng Đại sứ geh pơn jat tai chồl pràn git gơp lơh broă bal đah 2 lơgar, đah Bộ Kuang àng Việt Nam mờ ală anih lơh broă bal bơh lơgar Angola dê tàm ală gah mờ 2 lơgar sền gròi bal.

Cau mblàng K’Duẩn