VOV4.K’ho- Tàm Hà Nội, Đại tướng Tô Lâm, Bộ trưởng Bộ Kuang àng Việt Nam wa\ rò ồng Mohamed Ismael Al-Emadi, Đại sứ lơgar Qatar tàm lơgar Việt Nam. Bộ trưởng ồng Tô Lâm đơs nền, Bộ Kuang àng Việt Nam sền dờng màng ngan dơ\ lòt còp mờ lơh broă mờ Bộ Nội vụ lơgar Qatar tàm tơngai mờr tus.

Bộ trưởng Bộ Kuang àng Việt Nam sồr, tàm tơngai tus, 2 gah pal jơh nùs sơlơ pơgồp bal lơh mờ lơh gơs tơngume kơrnoăt boh lam ai ală broă lơh pơgồp bal broă lơh ờs mờng, lơh broă bal rcăng mờ tam dră mờ cau lơh tìs, lơh broă bal đah kơrnoat boh lam lơh glài ku\p jàm cau lơh tìs mờ ătbồ broă lòt rê mờ lơgar ndai đah 2 lơgar; rcăng cih, cribơyai ki\ hơ ală sră nggal lơh broă bal kuơmàng; pơn jăt tai geh ală broă lơh geh kuơ ngan nàng tơnguh bơta gi\t gơ\p 2 gah…

Bộ trưởng ồng Tô Lâm kung sồr ồng Đại sứ lơgar Qatar tàm Việt nam pơn jăt tai sền gròi, sồr Đại sứ quán Qatar tàm Việt Nam lơh kòn gùng, ai tơl bơta ai Bộ Kuang àng Việt Nam mờ Bộ Nội vụ Qatar in kung bè ală anih lơh broă geh gơrềng bơh lơgar Qatar dê in sơlơ tơnguh tai bơta gi\t gơ\p lơh broă bal uă rlau tai, pơgồp bơnah gàr niam bơta lơngăp lơngai dà lơgar, rơndăp tăp sèng ờdo ờdă jơh gùt mpồl bơtiàn, tài bơta ring lơngai, kơ\ kơl jăp mờ bơta kuơ bơh làng bol 2 lơgar dê.

Cau mblàng Lơ Mu K’Yến