VOV4.K’ho- Mho òr 22/8, tàm Hà Nội, Đại tướng Ngô Xuân Lịch, Bộ trưởng Bộ Quốc phòng Việt Nam đơng lam Dơ\ bơyai lơh wa\ rò mờ cribơyai broă mờ mpồl kuang bàng dờng màng ala mat Bộ Quốc phòng Nam Phi mờ cau ling yau lơgar Nam Phi lài do là mò Nosiviwe Noluthando Mapisa Nqakula Bộ trưởng Bộ Quốc phòng lơgar Nam Phi lam bồ gam geh dơ\ còp mờ lơh broă tàm lơgar he.

Bộ trưởng Ngô Xuân Lịch mờ Bộ trưởng Nqakula

Tàm dơ\ cribơyai broă, 2 gah ring bal uă ngan bè sền swì bal gi\t gơ\p sền gàr dà lơgar đah Việt Nam mờ Nam Phi lơh geh tàm tơngai lài, jat tàm “Jơnau ring bal bè gi\t gơ\p tàm gah lơh broă sền gàr dà lơgar” ki\ nam 2006.

Tơngai tus, 2 nă Bộ trưởng dùl nùs bal sơlơ tơnguh tai lơh broă bal tàm ală gah broă mờ 2 gah geh bơta pràn. Việt Nam tu\ lơi kung rcang lơh lài lơh broă bal tàm gah broă lơh sơnơm ling klàng, phan ngui gah ling klàng, lơh sơnơm bơh yau, ai ală mpồl kuang bàng mờng chài tìp mat cribơyai broă bal jat tàm jơnau sồr bơh lơgar Nam Phi dê.

Cau mblàng Lơ Mu K’Yến