VOV4.K’ho - Mho òr (28/11), tàm hìu lơh broă Bộ Quốc phòng, Bộ trưởng Bộ Quốc phòng lơgar Việt Nam Đại tướng Ngô Xuân Lịch đơng lam dơ\ wă mờ cri bơyai mùl màl mờ mpồl kuang bàng ala măt ling klàng dờng màng lơgar Mông Cổ geh Bộ trưởng Bộ Quốc phòng ồng Nyamaa EnKhbold lam bồ tus còp lơgar Việt Nam.

Tàm dơ\ cri bơyai, bàr bộ trưởng neh cri bơyai bè bơta tàm dunia, tiah do, sền cồng nha lơh broă bal bơh Bộ Quốc phòng bàr lơgar tàm tơngai do, kuơ màng tàm ală gah cri bơyai mpồl kuang bàng, bơto bơtê, sền gàr bơta ring lơngai Liên hợp quốc, sơndră mờ rềs àr bơh trồ tiah kung bè tơngu me jơnau kah bal bè broă sền gàr dà lơgar bal bơh bàr lơgar dê neh geh k^ nam 2013.

Bàr gah ring bal tàm tơngai tus geh lơh jăt broă sền gàr dà lơgar tàm jơnau ring bal bơh bàr Chính phủ. Tàm hơ\ geh broă crơng gơs mpồl lơh broă bal bè broă sền gàr dà lơgar kờ` tơrgùm chồl pràn broă lơh bal tàm ală gah broă: bơto bơtê dà lơgar bơdìh, lơh sơnơm ling klàng, bơta chài rơgơi đơs crih tamya, tàp pràn să jan ling klàng, cri bơyai broă mờng chài, tus bal ală broă sền gàr bơta ring lơngai Liên hợp quốc, broă dong kờl, lơh sa mờ măi mo\k sền gàr dà lơgar…

Cau mblàng Ndong Brawl