VOV4.K’ho - Drim òr (12/2), Bộ trưởng Bộ Tài chính ồng Đinh Tiến Dũng bal mờ mpồl kuang bàng lơh broă neh geh dơ\ lơh broă mờ UBND càr Dak Nông bè broă sền wơl kơnòl priă jền kes priă dà lơgar nam 2019 mờ gùng dà broă lơh, bal mờ kơnòl nam 2020; cồng nha broă tam dră mờ kă bro blơ\ blăc, pơrlồm kă bro mờ phan ờ ngan tàm càr.

Tàm dơ\ lơh broă, Bộ trưởng Bộ Tài chính ồng Đinh Tiến Dũng sồr càr do pal tơrgùm lơh jăt geh cồng nha ală broă tơnguh bơtàu lơh sa mpồl bơtiàn mờ rơndăp broă kes priă dà lơgar, wèt tus rơndăp broă tă kes priă dà lơgar nam do là 2 rơbô 700 tơmàn priă.

Jơnau pơn du\t tàm dơ\ lơh broă, Bộ trưởng Tài chính ồng Đinh Tiến Dũng đơs là, càr Dak Nông pal gờ` yal mờ Dà lơgar rơndăp broă tơnguh bơtàu gùng lòt tàm càr, tài do là dùl tàm ală gơl gùng kuơ màng tàm broă tơnguh bơtàu lơh sa.

Di tàm dơ\ do, mpồl kuang bàng lơh broă bơh Bộ Tài chính neh pà càr Dak Nông 2 tơmàn priă kờ` lơh broă lơh rài kis lơh sa mpồl bơtiàn hìu bơsram mầm non tàm càr do in.

Cau mblàng Ndong Brawl