VOV4.K’ho – Mho òr (13/8), tàm Hà Nội, Đại tướng Tô Lâm, Bộ trưởng Bộ Kuang àng geh dơ\ wă ồng Aung Soe, Thứ trưởng Bộ Nội vụ lơgar Myanmar di tu\ tus còp mờ tus bal cribơyai sền gàr lơngap lơngai kấp Thứ trưởng đah Việt Nam mờ Myanmar dơ\ 7.

Tàm dơ\ wă, Bộ trưởng Tô Lâm kơp kờ` tơngai tus, 2 gah gàr sùm ală cơ chế lơh broă bal neh geh lơh lài; chồl pràn ală dơ\ tìp mat 2 gah nàng broă lơh broă bal geh lơh ngan ngồn mờ geh cồng nha.

Mơkung sơlơ lơh broă bal cribơyai jơnau yal cau tìs gơ rềng tus bơta lơngap lơngai 2 lơgar mờ ală lơgar rềp bal, tam dră mờ ală broă lơh sơ mờm bơta kòn cau, pin dờn jat yàng lơh aniai tus lơngap lơngai chính trị mờ ờ do ờ dă mpồl bơtiàn bơh tơl lơgar dê. Ồng Aung Soe kơp kờ` tơngai tus, git gơp lơh broă bal đah 2 gah pơn jat tai bơtàu tơnguh, lơh geh uă cồng nha ngan ngồn, pơgồp bơnah sền gàr lơngap lơngai dà lơgar, sền gàr ring lơngai, ờ do ờ dă mpồl bơtiàn bơh 2 lơgar dê kung bè tàm ală lơgar rềp bal mờ dunia.

Cau mblàng K’Duẩn