VOV4.K’ho - Tàm dơ\ lơh broă mờ ală anih lơh sa kă bro ròng phan tàm Hà Nội geh Bộ Nông nghiệp mờ Phát triển Nông thôn bơyai lơh ngai òr (30/3), tềng đăp mờ broă đơng lam bơh Phó Thủ tướng Chính phủ ồng Trịnh Định Dũng, 15 anih lơh sa kă bro ròng phan uă neh hơ tơmù khà priă 70 rơbô đong tàm 1 k^ poăc sur ờ hềt lơh poăc tàm ngai 01 nhai 4 tus do.

Bộ trưởng Nông nghiệp mờ Phát triển Nông thôn ồng Nguyễn Xuân Cường đơs là, tơmù wơl khà priă poăc sur ờ hềt lơh poăc gam 70 rơbô đong tàm 1 k^ là pơgồp bal tàm broă lơh jăt broă lơh bal tus bal sền gàr drà kă bro poăc sur tàm lơgar, tam pà bal bơta kuơ mờ cau ngui sa, mờ kờ` gàr niam khà ngui sa CPI tàm khà ring niam.

Đơs uă tus mờ br lơh ngan tus bal bơh ală anih lơh sa kă bro bal mờ Chính phủ tàm broă rơcang sơndră mờ kòp Covid-19, Phó Thủ tướng Chính phủ ồng Trịnh Đình Dũng đơs, broă ală anih lơh sa kă bro tus bal mờ Chính phủ tàm broă hơ tơmù khà priă poăc sur ờ hềt lơh poăc gam 70 rơbô đong tàm 1 k^ là broă lơh geh kuơ màng bè chính trị, bơta chài rơgơi. mpồl bơtiàn.

Cau mblàng Ndong Brawl