VOV4.K’ho- Ờ go\ di là ơm kơ\p tus geh Nghị định 100 bơh Chính dê bè lơh glài lơh tìs lòt rê tàm gùng tiah, gùng rơndeh ồs geh ai ngui ngan ngồn ờ, mờ bơh nđờ nam do tơn, ală làng bol kòn cau Cơ Tu tàm kơnhoàl Tây Giang, càr Quảng Nam neh geh jơnau sồr ờ lòt rơndeh măy tàm 3 ngai sa tềp. Neh gơ gơs bơhiàn pal jăt ờs mờng, pah tu\ tus dơ\ sa tềp, làng bol tàm thôn, tàm [òn gi\t wa\ is lòt jàu jơh chia khuă rơndeh măy ai cau ătbồ thôn, halà kuang àng in prăp gàr mơ. Jơnau đơs bơh khi dê là “neh ơlak bìer den mìng lòt jơng” nàng gàr niam ờdo ờdă màng kis ai he in mờ ai cau gùt dar in.

  Ală nam rềp ndo, rài kis làng bol tàm tiah kơh bơnơm càr Quảng Nam dê ờ huan bòl glar kal ke mờ lài tai. Gùng lòt bo\ lơm bè lơm, lu\ liang lơm neh geh ala mờ gùng bê tông sàng goh, niam bơne\ ngan. Làng bol geh priă jền blơi uă rơndeh măy nàng [ươn tàm broă lòt rê. Di tàm dơ\ sa tềp, ơruh pơnu ală [òn lòt nhơl, `ô ơlak, `ô bìer hơ\ sồng tơnơ\ hơ\ gơtìp rềs àr mờ gơlik geh uă bơta chơ\t jê sồt muăt jrùm ngan tài bơh rềs àr gùng lòt. Bơh dì tu\ geh “bơhiàn pal jăt [òn dê” ờ go\ di lòt rơndeh măy tàm ngai sa tềp, xã A Tiêng, kơnhoàl Tây Giang ờ geh dơ\ rềs àr gùng lòt lơi gơtìp tàm dơ\ sa tềp. Zơ Râm Mưu, là dùl nă klau pơnu tàm xã A Tiêng pà gi\t, sa tềp pa do, ơruh pơnu tàm xã ndrờm jàu jơh chia khuă rơndeh ai kuang ătbồ thôn in prăp mơ. Tơnơ\ ngai 3 sa tềp den kuang ătbồ thôn jàu wơl chia khuă ai làng bol in nàng lòt nhơl, lòt còp rwàng bal tàm ală bồ sơnam pa.

Bi Zơ Râm Mưu, đơs bè do: Dilah đơs ngan den bơh sơnrờp kung kal ke sơl. Mơya, tơnơ\ dùl tu\ tơngai di pơgăp 2, 3 nam tơnơ\ hơ\ neh gơlik gơs bơta mờng quèng. Ndrờm bè lài do sơl, tu\ ai ngui adat ndau sơgơn gàr bồ den tu\ do kung gơ gơs bơta mờng quèng sơl. Hơ\ là khi lơh gơlik is ai he in bơta pal jăt, bơta mờng quèng, tus ngai sa tềp là lòt jàu is chia khuă rơndeh măy ai kuang ătbồ thôn in.

Bàr pe nam do, neh gơs bơta mờng quèng, pah dơ\ tus tàm mho ngai 28, 29 sa tềp, làng bol kòn cau Cơ Tu geh lòt jàu is rơndeh măy nàng ơn tềng [làng hìu Gươl [òn dê, cèng chia khuă jàu cau kra [òn, cau ătbồ [òn halà kuang àng thôn in. Ồng Pơloong Nấp, Kuang ătbồ Mpồl ala măt Mpồl cau dờng sơnam kơnhoàl Tây Giang mơkung là dùl nă cau kra [òn pà gi\t, cau Cơ Tu bơh jo\ geh bơhiàn tam klăc bal [òn lơgar uă ngan, tu\ bơta pal jăt [òn dê geh ai ngui den làng bol geh lơh jăt niam ngan. Nàng lơh geh cồng nha “adăt bơhiàn” mờ [òn dê ai tơlik, kuang đơng lam tiah do neh hòi jà ală cau geh bơngă pin dờn tàm mpồl bơtiàn bè cau kra [òn, kuang ătbồ [òn pơgồp bal mờ mpồl kuang àng mblàng yal làng bol in gi\t. Pah dơ\ pơrjum [òn, cau kra [òn mờ cau geh bơngă pin dờn tàm thôn geh pơgồp bal broă mblàng yal kơrnoat boh lam nàng làng bol in [ươn git mờ [ươn kah rlau. Lài mờ ngai sa tềp, ală thôn geh bơyai pơrjum tìp măt làng bol, hìu lơi kung pal geh măt tơl. Cau lam bồ thôn geh lơh broă lơh jà làng bol, kờ` sa tềp lơngăp lơngai chờ hờp den ba` măy rơndeh tu\ neh `ô ơlak bìer. Ồng Pơloong Nấp pà gi\t, lài do ồng pal lòt tus tàm tơn hìu làng bol nàng dờp chia khuă làng bol dê jàu, tu\ do den làng bol lòt jàu is, broă lơh do kung gơlơh nggờc nggờr sơl.

Jăt ồng Pơloong Nấp dê đơs, broă prăp chia khuă do sơlơ ală ngai bồ sơnam pa sơlơ chờ hờp tài: Tàm kơnhoàl do, geh bal cau kra [òn, mặt trận mờ ală ban, ngành, mpồl cau neh mblàng yal, hòi jà jơh tơl nă cau, kuơmàng là ơruh pơnu in gi\t ngui rơndeh măy, nàng jơh tơl nă cau in gi\t mờ lơh jăt gơ in niam.

Tus tu\ do, làng bol bơh 5 xã, là: A Nông, A Xan, Tr’Hy, A Tiêng mờ xã Lăng, kơnhoàl Tây Giang càr Quảng Nam dê neh lơh jăt niam jơnau sồr jàu rơndeh măy mờ chia khuă ai [òn in ătbồ, khà dơ\ rềs àr gùng lòt tàm pah dơ\ tus ngai sa tềp neh gơmù uă ngan. Ồng Bhling Mia, Chủ tịch UBND kơnhoàl Tây Giang, càr Quảng Nam pà gi\t, bơh tu\ geh bơhiàn do geh ai ngui, uă xã bơh kơnhoàl dê ờ gơlik geh ală jơnau lơh roh bơta lơngăp lơngai rơndăp tăp sèng ờdo ờdă gùng lòt tài bơh cau măy rơndeh bơ`ul `ô mờ wa\ rò dùl sơnam pa chờ hờp lơngăp lơngai. Do là broă lơh niam mờ geh cồng nha ngan. Tơngai mờr tus, kơnhoàl geh rề ơnàng ai lơh uă broă lơh do tus mờ jơh ală xã gam wơl.

Ồng Bhling Mia, đơs bè do: Kơnhoàl geh gùng dà là tàm 3 ngai sa tềp ờ ai lòt rơndeh măy, jơnau kờ` là nàng gàr niam ờdo ờdă ai làng bol in. Ală cau geh rơndeh măy den geh rcăng lài tàm 3 ngai sa tềp jàu jơh chia khuă ai kuang ătbồ thôn, kuang àng thôn in. Ai tu\ xã, thôn geh cau gơbàn kòp tê jê să den geh rcăng lài mpồl lơh broă sùm dong kờl lòt jun hờ hìu sơnơm xã, hìu sơnơm kơnhoàl nàng bác sĩ in kham sơm kòp.

Cau cih Phương Cúc- Cau mblàng Lơ Mu K’Yến