VOV4.K’ho-  Tàm càr Kon Tum tàm ală kơnhoàl tiah sar lơgar ngài den broă tam tơr bo\ bal đah cau pơgru mờ kơnòm bơsram tàm ală ngai rcang sơn dră kòp Covid-19 là bòl glar kal ke ngan. Bơta do ờ mìng gơ rềng tơn tus bơta niam bơsram sră tàm hìu bơh ală kơnòm bơsram dê mờ gam là bơta digơlan lơh ală kơnòm in ờ gơ dan lòt bơsram tàm hìu bơsram tai tu\ jơh kòp.

Kơnhoàl Kon Plông, càr Kon Tum geh 9 xã, thị trấn. Nam bơsram do, kơnhoàl geh 30 nơm hìu bơsram bơh mầm non tus Trung học Cơ sở. Lơh jat broă rcang sơn dră kòp Covid-19, rlau 6 rơbô 400 nă kơnòm bơsram kơnhoàl dê mờ uă ngan là oh kòn làng bol kòn cau ơm rlô tàm hìu. Gam sền kwi kwơ mờ dùl bơta nhơl mờ he kơlôi lơh is, oh Nguyễn Bá Phúc, hìu ơm tàm [òn Kon Pring, thị trấn Măng Đen, bơsram du\ 3B, Hìu bơsram kấp 1 Măng Đen đơs:

Sau bơsram dùl ết gời tài bơh sau ờ kờ` bơsram. Cau pơgru ơn jơnau bơsram tàm Facebook sền kung kal ke sơl. Kal ke tài bơh sền akhar dềt. Jơh dùl [òn ờ hềt cau lơi geh ma\y tính. Ală gơ\p bơyô tàm do den jat mè bèp lòt lơh kòi tàm sre mờ jat mè bèp lòt jòi lòng.

Oh Nguyễn Bá Phúc mờ dùl bơta nhơl chờ oh kơlôi lơh is  

Tàm tơngai bơsram tàm hìu nàng rcang sơn dră kòp Covid-19, Phòng Giáo dục mờ Đào tạo kơnhoàl Kon Plông ai broă bơte bơsram tàm internet mờ bàr pe broă lơh ndai.  Mơya tài bơh phan bơna ờ hoan geh, broă bơtê tàm internet, pơyoa jơnau bơsram ai cau bơsram in bơh tàm màng xã hội mìng geh 2 hìu bơsram bơh kơnhoàl dê lơm lơh jat gơtùi, là hìu bơsram kấp 1 mờ hìu bơsram Trung học Cơ sở Măng Đen.

Ùr pơgru Cao Thị Nguyệt lòt sền broă tàm tơrbo\ bal mờ kơnòm bơsram tàm màng internet

Ùr pơgru Cao Thị Nguyệt, Hiệu trưởng hìu bơsram kấp 1 Măng Đen pà g^t, hìu bơsram geh 360 nă kơnòm bơsram, geh đơs là geh tơl bơta buơn ngan bơh kơnhoàl dê mơya broă tàm tơr bo\ bal cau pơgru mờ kơnòm bơsram tàm tơngai gơbàn kòp kung là kal ke ngan sơl.

Bàr pe hìu bơnhă ờ hềt  geh priă jền nàng crăp màng internet halà geh ma\y tình halà điện thoại attê ngac ngar den broă nàng ală kơnòm bơsram gùt hìu bơsram geh bơsram tơn tàm internet den kung gam gơtìp kal ke ngan sơl. Bè màng internet den tàm tơngai pa do tài bơh khà cau mut sền uă ir den bàr pe [ùi bơsram tu\ ală kơnòm mut tàm màng bơsram den gơtìp uă bơta kal ke, gơ kòl màng kơnòm bơsram pal ơm ing wơl.

Tàm tiah làng bol kòn cau kơnhoàl Kon Plông geh pal geh dùl dơ\ hòi jà kơnòm bơsram lòt bơsram wơl tàm ơ du\ tu\ jơh kòp

 Ơm tàm ală xã tiah sar lơgar ngài ndai kơnhoàl Kon Plông dê bè: Măng Bút, Đăk Nên, Ngọc Tem… tiah ờ gơtùi ngui broă bơsram tàm internet den broă bơtê bơh màng internet halà tàm anih sơn`io rùp, ală cau pơgru pal tus tơl nơm hìu jàu jơnau bơsram ai ală kơnòm bơsram in. Bulah ờ ngòt bơta bòl glar kal ke mơya tài bơh bơhìan mờng kuèng, tơl tu\ ơm rlô tàm hìu den ală kơnòm bơsram sùm jat mè bèp lòt tàm sre, mut tàm brê jòi lòng, lòt lơh broă tàm mìr geh tu\ lòt jơh dùl poh ờ rê tàm [òn den broă tàm tơr bo\ bal đah cau pơgru mờ kơnòm bơsram gơlơh ờ hềt niam. Mơ bơh ngai 1 nhai 4 pa do lơh jat broă ơm yah tam cah is mpồl bơtìan nàng rcang sơn dră kòp Covid-19, cau pơrgru kung neh pal ơm broă lòt tus hìu bơnhă nàng jàu jơnau bơsram ai kơnòm bơsram in.

Mò Hoàng Thị Mùi, Phó Trưởng Phòng Giáo dục mờ Đào tạo kơnhoàl Kon Plông, tơngo\ bơta kơlôi sơnơng:

Bơh ngai 1 nhai 4 tus tu\ do jat broă ơm yah tam cah is gùt lơgar dê, Sở Giáo dục sồr jơh hìu bơsram tàm ù tiah kơnhoàl gam kal ke den ơm wơl broă bơsram ai kơnòm bơsram in. Gơ wèt mờ ù tiah kơnhoàl Kon Plông jơnau kơnòm bơsram làng bol kòn cau tu\ mờ ală oh neh ơm rlô jo\ tơngai bè hơ\ den ală cau pơgru kung tàm yal tơng^t bal broă bơsram ală kơnòm bơsram dê. Mơya tu\ jơh kòp den cau pơgru pal pơgồp bal mờ UBND ală xã lơh dùl dơ\ hòi jà ală kơnòm lòt bơsram wơl tàm ơ du\.

Cau cih Khoa Điềm- Cau mblàng K’ Hạnh