VOV4.K’ho – Bơsram mờ lơh jat Bác Hồ mờ ală broă lơh ngan ngồn, tơngai lài, tàm càr Dak Lak neh geh ua\ broă lơh niam, ua\ mpồl bal, cau dùl nă să geh pơn rơ jak. Mờ ală krơh niam bè hơ\, broă bơsram, lơh jat nùs nhơm, rài kis Hồ Chí Minh tàm càr do gam ngai sơlơ gơ rề ua\.

Nđờ nam lài, tổ dân phố 1, sơnah [òn Tân Lập, [òn dờng Buôn Ma Thuột, càr Dak Lak là tiah geh git tus tài bơh bơta ờ lơngap lơngai, cau ngir ma túy tơr gùm, tung kơ`au gơlik geh sùm. Mơya tu\ do neh krơi, ală gơl gùng lòt tàm do neh geh lơh dờng ơnàng, hìu ràng tac phan ring niam, tàm 2, 3 `jrong đèng sòl àng neh crap camera sền gàr lơngap lơngai. Làng bol tàm do pà git, gơtùi geh cồng nha do, ua\ ngan là kơ nờm gơ noar broă bơh ồng Đỗ Thái Cơ, Bí thư chi bộ tổ dân phố dê.

Ồng Đỗ Thái Cơ yal, nam 2016, ồng geh pồ lơh Bí thư chi bộ tổ dân phố 1, sền go\ bơta kal ke tàm tổ dân phố, ồng sùm tus ală tổ liên gia mờ bơyai lơh pơrjum 1 nhai 1 dơ\ nàng git bơta kơp kờ` bơh làng bol dê. Ai tơngume yal krơh niam tàm dơ\ lam sồr “Bơsram mờ lơh jat nùs nhơm, rài kis Hồ Chí Minh” là tơngume tờm, ồng mờ ală cau geh đảng tàm chi bộ neh lam lơh niam broă cih mat, bơsong ală broă ờ suk, geh sền gròi ua\ tàm [òn lơgar, bơh hơ\ lơh gơlik bơta pin dờn tàm làng bol. Làng bol pin dờn, dùl nùs bal, 3 nam do, Chi bộ tổ dân phố 1 neh hòi jà làng bol tă pơgồp is mờr 1 tơmàn đông nàng lơh rlau 920 thơk gùng bê tông, crap 10 nơm camera sền gàr lơngap lơngai mờ lơh 11 nơm `jrong đèng sòl àng… bơta lơngap lơngai, ờ do ờ dă tàm [òn ơm kis nhe geh ua\ tam gơl niam, ờ gam tai bơta ală cau ngir ma túy tơr gùm bồ, bơta tung kơ`au kung ờ gam sơl.

Sền wơl ală cồng nha neh lơh geh, ồng Đỗ Thái Cơ pơn iờ să đơs: Nàng broă bơsram mờ lơh jat Bác Hồ geh lơh ngan ngồn, lài ngan Chi ủy bơt bơtàu broă lơh, lam lơh jat tus gùt cau geh đảng, lơh krơi lài, đơs pal gơ jat bal mờ lơh ngan ngồn, cau geh đảng lơh krơh den hơ\ sồng làng bol pin dờn, hơ\ sồng sền ngềr, hơ\ sồng lơh jat:

“Lài ngan he pal ơm rềp mờ [òn lơgar, sùm tus mờ làng bol tàm tơl [òn ơm kis, tơl gơl gùng nàng git bơta kơp kờ` bơh làng bol dê mờ pal kơ\ dơn, ală broă he đơs den he pal lơh, hơ\ sồng làng bol hời rơ hời pin dờn he, git he mờ iat he. Bơh ală jơnau hơ\, tàm 3 nam do, tổ dân phố 1 neh lơh gơs niam ală khà kấp hơđang jàu kung bè hòi jà bơta tă pơgồp bơh làng bol dê nàng lơh gùng, lơh ồs đèng, crap camera…”.

Bơta tă pơgồp jơh nùs, ờ git glar bòl kung bè gơ noar broă lơh krơh, lam lài bơh ồng Đỗ Thái Cơ, Bí thư chi bộ tổ dân phố 1, sơnah [òn Tân Lập, [òn dờng Buôn Ma Thuột, càr Dak Lak dê là krơh niam pơn rơ jak bè broă bơsram mờ lơh jat Bác Hồ mờ ală broă lơh ngan ngồn, cèng wơl cồng nha ngan ngồn, geh kuang bàng, cau geh đảng mờ làng bol sền ngềr. Ồng kung neh ua\ dơ\ pơn iờ să ngan geh dờp bằng khen bơh UBND càr mờ Ban Tuyên giáo dà lơgar dê bè “Chồl pràn bơsram mờ lơh jat nùs nhơm, rài kis Hồ Chí Minh”.

Ai gơ wèt mờ oh H’Mộng Dung Bdap, bí thư Chi đoàn ơdu\ 11A2. Hìu bơsram kấp 3 Y Jut, kơnhòal Cư Kui`, càr Dak Lak, srơh “Cau kơnòm să Việt Nam bơsram mờ lơh jat jơnau bơto sồr Bác Hồ” neh dong oh mờ ală bơ yô oh dê dờng pràn ua\ rlau.

Lơh jat jơnau bơto sồr “Sơnam dềt lơh broă dềt gơ jat tàm bơta pràn he dê”, oh H’Mộng Dung Bdap neh ngai sơlơ bơsram sră, pơlam tàp mờ tơnguh nùs nhơm lam lài tài [òn lơgar, pơgồp bơnah tơnguh jơnau git wă bơh tơl nă đoàn viên, ơruh pơnu lơh jat krơh Bác Hồ dê.

Nàng broă “Bơsram mờ lơh jat nùs nhơm, rài kis Hồ Chí Minh” rềp mềr mờ kơnòm bơsram mờ gơ rề ua\ tus [òn lơgar, H’ Mộng Dung Bdap neh khin cha dan Mpồl pơlam hìu bơsram pơgồp bal tơngume bơsram mờ lơh jat jơnau bơto sồr Bác Hồ mờ broă lơh pơlam tàp đoàn viên bè: “Broă lơh niam ai Bác Hồ in”, “Broă lơh ơruh pơnu lơh jat jơnau bơto sồr Bác Hồ”, “Cih wơl broă lơh jat jơnau bơto sồr Bác Hồ” bơh ală chi đoàn dê. Tam gơl pa, tơnguh cồng nha broă lơh mblàng yal bơh mạng xã hội mờ ală rùp ngan ngồn bè cau drơng broă Đoàn mờ broă lơh pah ngai bơh ală cau đơng lam ơruh pơnu dê; pơgồp bơnah bơt bơtàu, tơnguh jơnau git wă bơh đoàn viên, ơruh pơnu dê, lơh krơh, lam lài tàm broă lơh, srơh tàm hìu bơsram mờ tàm [òn lơgar.

H’Mộng Dung Bdap git là “Cau kơnòm să là rơnàng tơ nơ\ do bơh dà lơgar dê”, den tàng ală kơnòm bơsam bè oh sùm sền broă bơsram là broă lơh sùm mờ jơh nùs, hơ\ là kơ nòl tờm tu\ do:

“Dà lơgar geh bè lơi dilah geh pơlam bơh ală krơh cau kơnòm să mơya hơ\ ờ di là ală krơh niam. He neh bơsram mờ lơh jat krơh Bác Hồ dê, he neh lơh niam bơh tu\ gam tàm hìu bơsram den tơ nơ\ do he dờng den he geh lơh niam. Bơh dùl nă cau dềt tus tu\ dờng he geh lơh niam. Dùl dà lơgar mờ ua\ cau bơsram, lơh jat krơh nùs nhơm Bác Hồ dê den geh ua\ cau niam, tu\ hơ\ den gơ rềng tus rơnàng tơ nơ\ do bơh dà lơgar dê bè mpồl bơtìan, bơsram sră,  mpồl cau geh bồ tơngoh bơsram sră bè Bác Hồ neh geh tu\ kơp kờ` là “gơtùi pơn drờm mờ ală lơgar dờng pràn tàm làm gùt plai ù..”.

Bơsram mờ lơh jat Bác Hồ, H’Mộng Dung Bdap neh lơh geh ua\ cồng nha tàm broă bơsram sră mờ pơlam tàp, oh kung pơn iờ să ngan geh dờp ua\ sră jờng, bằng khen bơh Hội đồng đội dà lơgar, Đoàn ơruh pơnu Cộng sản Hồ Chí Minh jàu pà. Pa do ngan rlau jơh, H’Mộng Dung Bdap là dùl tàm 19 nă cau ala mat ngan ngồn, ala mat cau kơnòm să Dak Lak tus bal Pơrjum Mpồl tam klac ơruh pơnu Việt Nam khóa 8, tơngai lơh broă bơh nam 2019 tus nam 2024.

Ồng Đỗ Thái Cơ mờ oh H’Mộng Dung Bdap, mìng là 2 tàm khà ua\ ngan krơh niam tàm Dak Lak gam lơh jat srơh “Bơsram mờ lơh jat nùs nhơm, rài kis Hồ Chí Minh”. Kah jơnau bơto sồr Bác Hồ dê, Đảng bộ, gơnoar atbồ, làng bol càr Dak Lak gam lơh ngan tàm pơr lòng kờ` gơboh dà lơgar, jơh nùs bơsram, lơh broă, lơh sa, pơgồp bơnah bơt bơtàu [òn tờm, dà lơgar nàng ală kàl sơnam pa, sùm là kàl bơh bơta gơboh gơbài, bơh bơta hờm ram, bơh ală bơta kơp kờ` pa niam bơne\ rlau.

Cau mblàng K’Duẩn