VOV4.K’ho- Tàm sùm 90 nam, làng bol sùm lời bơta pin dờn ai Đảng in. Kơnờm bè hơ\ mờ Đảng neh lơh tơngkah wơl mờ bơtòm tơrgùm bơta pràn jơh gùt jơi bơtiàn lơh gơs ală bơha pha lin dờng ngan geh bơta kuơ kah yau. Tàm broă lơh tam gơl pa dà lơgar ngai do, làng bol kung gam sùm kơ\ nùs pin dờn gơ wèt mờ Đảng, tam klăc bal nàng lơh jăt làng bol lơh tờm, ai dà lơgar cơnđoà guh hờ đăp. Kuơmàng là bơh tu\ Đảng krà` cê jơh nùs bơ\t bơtàu mờ lơh niam wơl Đảng mờ ală broă lơh rcăng sơndră sa kuề sa kùa, sơndră bơta ờ niam mờ lơh glài krà` kuang bàng, đảng viên geh broă lơh tìs, jơh ală ndrờm ring bal tềng đăp kơrnoat boh lam, dà kơlhề mờ tìs geh tam cah loh làng neh cèng wơl bơta pin dờn mờ bơta gơn kơnờm ai làng bol in.

“Tơng Leh Vàng” là dùl tàm ală pang sră cih jơnau kah yau niam ngan rlau jơh bè bơta pràn bơh nùs nhơm làng bol dê tàm ală ngai sơnrờp pa crơng gơs dà lơgar Việt Nam Dân chủ Cộng hoà…Tơnơ\ Kăc màng Nhai Phàm nam 1945, gơnoar ătbồ kăc màng pa crơng gơs ơm tềng đăp rbô rhiang bơta kal ke, bơta lòng, ngan là bè lơh sa, priă jền. Kes priă dà lơgar ờ geh dùl đong dùl kak, bơta jơgloh gơbàn tàm làm bă tiah…

Dùl tàm ală broă lơh geh Dà lơgar lơh nàng sơrlèt gan ală kal ke hơ\ là kơnờm bơta lơh is tă pơgồp bơh làng bol dê. 20 tơlak đong mờ mờr 40 ki\ biàng là kờp jơh priă mờ Chính phủ Việt Nam Dân chủ Cộng hoà tă pơgồp geh bơh làng bol gùt lơgar dê tàm broă lơh “Tơng Leh Vàng”.

Do là 1 tàm ală cơng tàng tơnggo\ loh làng ngan pà go\ bơta pin dờn ngan bơh làng bol dê lời ai Đảng mờ Bác Hồ in tàm tu\ hơ\. Cau khin cha jak chài mpồl phàu crong ồng Trần Ngọc Phương, hìu sồ 36, gùng Hùng Vương, [òn dờng Bắc Giang, càr Bắc Giang pà gi\t, dilah ờ geh bơta pin dờn den làng bol ờ go\ pơyua priă jền jơtài bơh he dê nàng drơng broă dà lơgar in, drơng broă bơta bơtàu tơnguh bơh rài chính trị pa dê bè hơ\ ờ.

Ồng Trần Ngọc Phương, đơs bè do: A` dờng tu\ Đảng đơng lam kăc màng nhai phàm lơh geh cồng nha. Dà lơgar he tàm tu\ hơ\ kal ke ngan. Bơh kal ke, làng bol pin dờn tàm Đảng, pin dờn tàm rài ătbồ den tàng jơh nùs tă pơgồp bal priă jền, biàng bạc, phan bơna ai rài ătbồ in niam bơne\. A` pin hơ\ là bơta pin dờn bơh làng bol dê mờ bơh bol a` dê gơ wèt mờ Đảng.

Ală nam pơn jăt tai, kơnờm bơta pin dờn hơ\, kơnờm bơta tam klăc bal bè cau pròc mhàm bal mờ làng bol, Đảng he neh lơh tơngkah wơl mờ bơtòm tơrgùm bơta pràn tam klăc dờng jơh gùt jơi bơtiàn lơh gơs ală bơta jai pha dờng ngan: Tam lơh pha lin kah yau Điện Biên Phủ, Tam lơh pha lin dờng Kàl prang bồ sơnam pa 1975 mờ kuơmàng là broă lơh tam gơl pa dà lơgar.

Ngan bơta pin dờn bơh làng bol dê neh lơh gơlik bơta pràn nàng dà lơgar sơrlèt gan uă kal ke dờng ngan. Tàm broă lơh tam gơl pa dà lơgar ngai do, làng bol kung gam kơ\ dơn sơl nùs nhơm pin dờn gơ wèt mờ Đảng, tam klăc bal nàng lơh jăt làng bol lơh tờm, ai dà lơgar bơtàu tơnguh.

Kuơmàng bơh tu\ Pơrjum dờng dơ\ 12, Đảng krà` cê jơh nùs bơ\t bơtàu lơh niam wơl Đảng mờ ală broă lơh rcăng sơndră sa kuề sa kùa bơta ờ niam, lơh glài krà` kuang bàng, đảng viên geh broă lơh tìs, jơh ală ndrờm ring bal tềng đăp kơrnoat boh lam, dà kơlhề mờ broă lơh tìs geh tam cah loh làng, tìs tus kàr lơi den lơh glài tus kàr hơ\ neh cèng wơl bơta pin dờn mờ bơta gơn kơnờm bơh làng bol dê.

Phó giáo sư, Tiến sĩ Nguyễn Minh Tuấn, Kuang ătbồ Viện bơ\t bơtàu Đảng, Học viện Chính trị Dà lơgar Hồ Chí Minh đơs nền bè do: Tàm tơngai lơh kơnòl broă khoá 12 do, pơnrơ ngan là tam dră sa kuề sa kùa. Tàm dùl tơngai lơh kơnòl broă mờ rlau 2 rbô nă đảng viên geh ai tơlik cah r`a lơh tìs gơrềng tus sa kuề sa kùa, 90 nă kuang bàng gơ wèt Dà lơgar dê ătbồ lơh tìs. Lài do, ală cau kuang ling kung kal ke ngan lơh glài mơya khoá 12 geh 30 nă cau kuang ling tàm mpồl ling, mpồl kuang àng gơtìp lơh glài. Loh làng, hơ\ là bơta mờ bol he pal cih dờp bè ală bơta lơh ngan dờng ngan bơh jơh gùt Đảng dê mờ làng bol dùl nùs bal uă ngan.

Đảng sền, bơ\t bơtàu lơh niam wơl Đảng, tam dră rcăng sơndră sa kuề sa kùa, bơta ờ niam là dơ\ tam dră jo\ jòng, bềng bơta bòl glar kal ke ngan, rơlăt te\ ală sơdau as ndơng tàm dơlam is, jê sồt ngan mơya kung gam pal pơn jăt tai lơh sơl, kơ\ nùs, krà` cê jơh nùs mờ lơh dipal ngan, niam ngan, sơlơ ờ gơtùi “ơm wơl”. Jăt ồng Phạm Thế Duyệt, lài do là Ủy viên Thường trực Bộ Chính trị, Chủ tịch Ủy ban mặt trận dà lơgar Việt Nam đơs, dùl ròt kuang bàng kấp dờng màng gơtìp lơh glài ờ go\ di là pa lơh tìs ờ, mờ là tài bơh kuang bàng gơplơ\ gơhu\c sùm jo\ jòng tus nđờ tơngai lơh kơnòl broă tơn den tàng tu\ lùp sền, lòt sền neh pà go\ lơh tìs.

Ồng Phạm Thế Duyệt đơs nền: broă lơh rơndăp tăp sèng kuang bàng là bơta tờm lơh nền broă lơh bơh Đảng dê. Ồng đơs: Broă rơndăp tăp sèng kuang bàng là jơnau bơh jơh ală broă dê. Niam kung là rơndăp tăp sèng kuang bàng, ờ niam kung là tài bơh rơndăp tăp sèng kuang bàng sơl. Ală cau geh jơnau jòi kai, kờ` jòi tu\ tơngai ờ niam den gi\t sền tàm ală broă cau hơ\ lơh nàng gi\t lơh broă rơndăp tăp sèng den gơlam tus geh aniai ai Đảng in.

Kuang bàng mờng chài kấp dờng màng, lài do là Ủy viên Hội đồng lý luận dà lơgar là ồng Hoàng Chí Bảo đơs nền: bơta kơlôi rcăng ờ suk dờng ngan bơh Chủ tịch Hồ Chí Minh dê là tu\ kuang bàng Đảng dê gơ mu\t tàm bơta gơplơ\ gơhu\c, tam gơl ờ niam tàm nùs nhơm bồ tơngoh. Tài bơh, gơmu\t tàm gơnoar broă, jòi kuơ den kòn bơnus he ơm tềng đăp jơnau digơlan gơlơh ờ niam, ai gơ wèt mờ Đảng kăc màng ăt gơnoar den bơta digơlan gơtìp dờng ngan rlau jơh là ơm ngài mờ làng bol, digơlan cah is bơh rài kis geh ngan. Den tàng bè hơ\, gàr geh bơta pin dờn bơh làng bol dê gơ wèt mờ Đảng gơ sồr Đảng pal jơh nùs sàng goh bè nùs nhơm, dùl Đảng geh sàng goh den hơ\ sồng pràn kơldang.

Ồng Hoàng Chí Bảo, đơs: Bác Hồ sùm nting tơngkah mờ bơto bơtê là bol he đơs dùl êt mơya pal lơh uă, mìng là lơh broă, pal gàr bơta pin dờn bơh làng bol dê bơh nùs nhơm phi să mờ bơta lơh krơh, mờ Bác Hồ là dùl nă cau lơh krơh lam lài niam ngan. Jơnau bơsram geh nùs nhơm khin cha jak chài tam lơh jai pha mờ nùs nhơm dùl nă să is, geh bơta khin cha jak chài ơm bơdìh mờ bơta hàm kờ` gơnoar broă, phan bơna priă jền, geh bơta khin cha jak chài mìng tài làng bol mờ drơng broă. Dilah lơh geh bè hơ\, den Đảng sùm sùm geh tàm plai nùs, tàm nùs nhơm, tàm bơta gi\t wa\ mờ tàm bơta pơ`ìơ să bơh làng bol dê.

90 nam, dùl gùng lòt tơl jòng nàng lòng bơta pin dờn bơh làng bol dê lời ai Đảng in mơkung là gơl gùng gơ sồr Đảng pal geh kơnòl mờ lơh ngan uă rlau tai tàm ală tu\ ngui niam bơta niam, lơh niam wơl ală bơta ờ di. Tàm jơnau cih di tơngkah kir sơnrai 89 nam ngai crơng gơs Đảng Cộng sản Việt Nam, ồng Nguyễn Phú Trọng Tổng Bí thư, Chủ tịch lơgar đơs nền: Đảng pràn kơldang kơ\ kơl jăp, Dà lơgar bơtàu tơnguh, Jơi bơtiàn kis sùm! Nàng Đảng ngan ngồn pràn kơldang kơ\ kơl jăp bè chính trị, nùs nhơm bồ tơngoh, rài kis mờ broă lơh den pal tam gơl pa gùng dà đơng lam, sơlơ tơnguh tai bơta gơrềng bal đah Đảng mờ làng bol, gàr niam ai Đảng in tơl pràn đơng lam broă lơh bơh dà lơgar dê sùm bơtàu tơnguh, den hơ\ sồng dipal mờ bơta pin dờn mờ gơn kơnờm bơh làng bol dê.

Cau cih Lại Hoa- Cau mblàng Lơ Mu K’Yến