VOV4.K’ho- Tàm bơta geh ngan jơnau kah yau 75 nam bơ\t bơtàu, tam lơh mờ bơtàu tơnguh bơh Mpồl ling klàng làng bol Việt Nam dê neh tơngo\ loh làng gơnoar broă dờng màng ngan bơh Tổng cục Chính trị Mpồl ling klàng làng bol Việt Nam dê sùm gơ jăt bal mờ jơnau kah yau bơ\t bơtàu, tam lơh mờ pha lin bơh Mpồl ling klàng làng bol Việt Nam khin cha jak chài dê. Bơ\t bơtàu Tổng cục Chính trị Mpồl ling klàng làng bol Việt Nam pràn kơldang kơ\ kơl jăp, lơh gơs jak ngan kơnòl broă là anih lơh broă dong broă kuơmàng bè broă lơh Đảng, broă lơh chính trị sùm là kơnòl broă tờm, kơnòl broă lơh sùm tàm jơh ală tu\ tơngai kăc màng, ngan là tàm tơngai tu\ do.

Mờ tàm Chỉ thị crơng gơs Mpồl Việt Nam Mblàng yal tơngklàs ling klàng tơn, do là mpồl bơh sơnrờp bơh Mpồl ling klàng làng bol Việt Nam dê, Chủ tịch Hồ Chí minh neh sồr mờ lam lơh jăt niam nùs nhơm, bồ tơngoh, jơnau đơs “chính trị dờng màng rlau mờ broă ling klàng”, “mblàng yal dờng màng rlau mờ broă tam lơh”, “broă ling klàng mờ ờ geh chính trị gơlơh bè tờm chi ờ geh nggu”.

Thiếu tướng, Phó Giáo sư- Tiến sĩ ồng Nguyễn Bá Dương, Ủy viên Mpồl duh broă Lý luận dà lơgar, lài do là Kuang ătbồ Viện Khoa học Xã hội Nhân văn ling klàng pà gi\t, bal mờ dờng màng ngan, broă lơh chính trị neh geh sền dờng màng tơn bơh ală ngai sơnrờp. Tơnơ\ tu\ crơng gơs tơn, mpồl Việt Nam mblàng yal tơngklàs ling klàng neh lơh gơs pang báo “Săp ntas phàu driau”.

  “Tàm “Săp ntas phàu driau” hơ\ bulah cih mờ tê mờ cih mờ 4 dà đơs hơ\ là Tày, Nùng, Dao mờ dà Yoan nàng mblàng yal tàm jơh gùt ling klàng mờ mblàng yal ai làng bol in, di mờ jơnau pơrya mpồl Việt Nam Mblàng yal tơngklàs ling klàng ai broă lơh hòi jà làng bol, broă lơh mblàng yal lơh tờm, nàng gơ in dipal mờ bồ tơngoh gi\t wa\, bơta wa\ wờng bơh làng bol tàm tu\ hơ\ dê.

Tơnơ\ mờ tu\ lơh jăt kơnòl broă, den ală cau bơh mpồl Việt Nam mblàng yal tơngklàs ling klàng dê pal lòt tus ală anih, [òn lơgar nàng bơto yal, mblàng yal gùng dà broă lơh bơh Đảng dê ai làng bol in gi\t. Tàm rài tam lơh, ală cau lơh broă chính trị ngan ngồn là cau bi ùr, cau bi klau tam pà [à piang sàu àu soh, pe bal mờ cau ling, ơm kis tam klac đềt mềr mờ làng bol.

Tàm bơta geh ngan 75 nam bơ\t bơtàu, tam lơh pha lin mờ bơtàu tơnguh bơh Mpồl ling klàng làng bol Việt Nam dê neh tơngo\ gơnoar broă dờng màng ngan ờ gơtùi ờ geh bơ2h broă lơh Đảng, broă lơh chính trị dê. Mơya, nàng broă lơh chính trị sùm gàr gơnoar broă đơng lam, ătbồ là “huềng nùs, là mhàm kis” bơh mpồl ling dê, ngan là tàm tơngai tu\ do, tu\ geh uă bơta lòng mờ ală jơnau jòi kai kờ` lơh gơlik geh is, lơh tam gơl is, lơh tam gơl bơta ring lơngai, ală jơnau jòi kai kờ` lơh tam cah is ling klàng mờ làng bol, jòi kai kờ` lơh ờ geh chính trị tàm mpồl ling bơh ală mpồl cau gơjra` kơuềng mờ dà lơgar dê…jăt ală cau mờng chài, ală cau jak đơs, rlau mờ tu\ lơi jơh, kuang bàng chính trị, mpồl kuang bàng anih lơh broă chính trị pal ngan ngồn lơh krơh niam, sền gròi ai broă lơh chính trị in. Bơta lam lài lơh krơh niam bơh cau kuang bàng chính trị dê tàm jơh ală bơta lơi digơlan gơlik geh, tàm tơl tu\ tơngai sùm geh bơta gơhòi gơ jà rlau mờ uă jơnau cih đơs, nàng kuang bàng, cau ling in pin dờn mờ lơh jăt.

Trung tướng Nguyễn Thanh Tuấn, lài do là Kuang ătbồ Cục tuyên huấn, Tổng cục Chính trị Mpồl ling klàng làng bol Việt Nam đơs bè do: Pal lơh bè lơi nàng ai mpồl ling bol he dê in tam klăc đềt mềr bè cau pròc mhàm tờm bal mờ làng bol. Ngan ngồn mpồl ling làng bol dê, tài làng boh mờ bơh làng bol, sùm tàm 75 do neh lơh den tàm tơngai do sơlơ pal lơh jăt niam rlau. Tài bơh geh dùl jơnau jòi kai kờ` lơh tam cah is đah ling klàng mờ làng bol.

Pal bơ\t bơtàu dơlam is mpồl ling tam klac bal, dùl nùs bal, lài ngan pal lơh ai mpồl ling in ngan ngồn sàng goh, pràn kơldang kơ\ kơl jăp nàng gàr niam ai bơngă pin dờn bơh mpồl ling dê tềng đăp làng bol. Pal lơh ai kuang bàng, cau ling kấp hơđang, kấp hơđơm in dùl nùs bal ring bal. Sàng goh pràn kơldang kơ\ kơl jăp hơ\ ngan là bơta pal geh nàng kơryan jơh ală jơnau đơs bu ba, gơlềng gơlàng, đơs ờ di nàng kờ` ờ geh chính trị tàm mpồl ling klàng.

Bơta geh ngan neh tơngo\, ală krơh bơh kuang bàng lơh broă Đảng, lơh broă chính trị dê tàm mpồl ling tàm gah tề lam nùs nhơm bồ tơngoh, ngan là tàm tiah tam lơh dờng kal ke ngan neh ngan ngồn lơh gơchồl nùs lơh ngan tam lơh mờ tam lơh tus pha lin. Làng bol ờ tu\ lơi hu\i rùp să cau khin cha jak chài Nguyễn Viết Xuân dê, mờ ală cau ling sơlơ ờ gơtùi hu\i dơ\ tam lơh dờng cui rơcai ngan cuh gơ rung dùh rơndeh par Mỹ tàm ngai 18/11/1964 bơh Đại đội 3, Tiểu đoàn 14 pháo cao xạ gơ wèt Sư đoàn 325 gơ wèt Quân khu 4.

Tàm ală dơ\ sò tơm lơh aniai dờng ngan cui rơcai ngan bơh ling rơndeh par Mỹ dê, ờ ngòt bơta sbơng roh, Thiếu úy Nguyễn Viết Xuân, cau lơh broă chính trị Đại đội 3 kung gam ntoăt lik bơh bơtô ù, ơm ntàu kềng ngkơr phàu đội 3, kơ\ dơn nùs nhơm driau dờng bè do: “Sền song tơn tềng cau sò tơm, cuh!”. Tàm gùl bồm mền gar năt gar phàu ntas dờng ngan săp driau dờng bềng bơta khin cha jak chài kơ\ dơn nùs nhơm lài mờ tu\ chơ\t phi să bơh bi dê neh gơ gơs là jơnau đơs tềng bơr gơhòi gơ jà pràn kơldang ngan jơh gùt mpồl ling bè tàm làm gùt ală tiah tam lơh mờ Mỹ. Bal mờ broă đòm jăt nùs nhơm lơh krơh, broă lơh Đảng, broă lơh chính trị tàm mpồl ling tu\ do gam kờ` pal lơh jăt bơta pơgồp bal tam klac bal niam nàng bơ\t bơtàu nùs nhơm rcăng lài tàm làng bol sền gàr Đảng, sền gàr rài làng bol lơh tờm, sền gàr làng bol.

Thượng tướng Phạm Thanh Ngân, lài do là Kuang ătbồ Tổng cục Chính trị Mpồl ling klàng làng bol Việt Nam đơs loh:Bơta geh ngan pà go\, dilah ờ lơh jăt niam broă rcang lài pơgồp bal mờ ală anih lơh broă dà lơgar mờ ngui niam bơta pràn bơh jơh ală anih lơh broă chính trị dê nàng đơng lam, bơto pơlam lơh broă Đảng, lơh broă chính trị dê den lơh broă Đảng, lơh broă chính trị ờ gơtùi lơh niam geh bơta pràn tam klac bal jơh gùt làng bol, nùs nhơm tam klac bal đềt mềr. Ờ geh bơta pràn hơ\, mpồl ling kal ke ngan gơtùi sơrlèt gan jơh ală bơta lòng dờng mờ kal ke ngan tàm rài tam lơh mờ kơ\ dơn nùs nhơm, kơ\ kơl jăp ờ go\ dơrcul nùs tềng đăp ală bơta gơ tam gơl kal ke.

Gơtùi đơs, tàm tiah lơi geh cau ling, tàm tiah hơ\ geh lơh broă Đảng, lơh broă chính trị nàng kờ` gàr kơ\ pơlam gùng chính trị nùs nhơm ai cau ling in tềng đăp mờ jơh ală bơta lơi digơlan gơlik geh. “Nùs nhơm bồ tơngoh ờ wa\ wờng, den mhar ngan gơtìp gơtu\p tìs”, den tàng bè hơ\, tơnguh uă cồng nha lơh broă Đảng, lơh broă chính trị là jơnau kuơmàng khà dùl lơh nền bơta pràn tam lơh, pha lin bơh Mpồl ling dê, gàr niam ai Mpồl ling in sùm sùm là mpồl tam lơh dòn song, pin dờn Đảng dê, Dà lơgar mờ làng bol dê, lơh gơs jak ngan jơh ală kơnòl broă geh jàu.

Cau mblàng Lơ Mu K’Yến