VOV4.K’ho- Tàm dơ\ mìu nhàc dà ko\ dà cò pa do, bơta aniai van yuh dà tih bơtơ\t dơng dà hìu ma\y pờ tơlik ồs đèng Dak Kar tàm kơnhoàl Dak R’Lấp, càr Dak Nông, lơh bơtơ\t dơng dà gơ ơm tềng đap bơta digơlan tơrlah, pơhìn tus màng kis mờ phan bơna tiah đah đơm bơtơ\t dơng dà càr Dak Nông, Bình Phước mờ Lâm Đồng.Tơnơ\ ală bơta lơh ngan bơh mpồl công nhân kỹ thuật, bơta aniai neh geh bơsong, ală van geh pờ, dà tàm tơnau gơmù tàm khà ờ do ờ dă. Bơh bơta aniai do pà go\ bơta sền ờ sơ\p bơh cau tờm bơcri priă dê mờ bơta kwi kwơ bơh anih lơh broă geh gơnoar dê tềng đap jơnau jal mhar tàm kàl mìu nhàc dà ko\ dà cò.

Broă lơh bơt bơtàu bơtơ\t dơng dà hìu ma\y pờ tơlik ồs đèng Dak Kar geh bơta pràn 12MW, mờ bơta pràn dơng dà tơnau dê rlau 11 tơlak khối dà geh lơh tàm dà croh Dak Kar, là tiah brê bơnơm, rềp nhàr mờ 2 kơnhoàl Dak R’Lâp, càr Dak Nông mờ Bù Đăng, càr Bình Phước. Broă lơh do gam gơ ơm tàm tơngai lơh gơs, dơng dà nàng mut ngui tơr lòng lài den gơtìp kòl van tàm tơr è tơnau. Bơta gơlik geh di tàm tu\ tơngai mìu nhàc dà ko\ dà cò, mìu dờng uă ngan, lơh khà dà tàm tơnau gơguh jơnhoa ring mờ hơ đang bồ bơtơ\t dê, tàm bàr pe tiah neh geh ngơr lìu dà, lơh tơrlah mờ ală ding thuỷ lực kung gơtìp bơcah sơl.

Tơnơ\ tu\ ai uă broă lơh, mpồl lơh broă hìu ma\y pờ tơlik ồs đèng Dak Kar lơh nền ngui che nàng du\i van yuh dà guh hơ đang

Tềng đap bơta digơlan tơrlah bơtơ\t dơng dà uă ngan, mang ngai 8/8, Mpồl đơng lam dà lơgar bè Rcang sơn dră trồ tiah lơh aniai neh geh công điện mhar pơyoa Mpồl đơng lam rcang sơn dră trồ tiah lơh naiai mờ dong kờl rềs àr ală càr Dak Nông, Bình Phước mờ Lâm Đồng mờ anih lơh broă geh gơnoar in pơgồp bal rcang sơn dră. Ngai 9/8, 2 càr Bình Phước mờ Lâm Đồng neh ntrờ` mhar rlau 5 rơbô 700 nă làng bol tàm tiah đah đơm bơtơ\t dơng dà tus tiah ờ do ờ dă mờ sồr gah lơh broă geh gơnoar pơgồp bal mờ cau tờm bơcri priă là Công ty cổ phần hìu ma\y pờ tơik ồs đèng Dak Kar lơh ală broă lơh bơsong bơta aniai.

Tàm tu\ cau tờm bơcri priă broă lơh bơtơ\t dơng dà gam jòi tơl broă lơh nàng tơrmù khà dà tàm tơnau dơng dà hìu ma\y pờ tơlik ồs đèng Dak Kar, geh tu\ neh kờp tus broă lơh bơr toh mền kỹ thuật nàng tơrmù khà dà tàm tơnau dơng dà dê, den bơh đah bồ tô dà, Hìu ma\y pờ tơlik ồs đèng Dak Sin 1 pal yuh dà mhar mờ khà dà 126 m3/s tài bơh tơrlah bơnơm lơh aniai ală ding dà thuỷ lực. 

Jơnau rơ ngòt bè bơta digơlan tơrlah bơtơ\t dơng dà sơlơ lơh rồn bơklơn tus broă lơh mìu ma\y pờ tơlik ồs đèng Dak Kar. Tơnơ\ 2 ngai, mang lơh broă sùm tàm mìu nhàc dà ko\ dà cò, tus ngai 10/8 mpồl công nhân kỹ thuật pờ gơtùi jơh 2 nơm van yuh dà, khà dà tàm tơnau dơng dà hìu ma\y pờ tơlik ồs đèng Dak Kar dê neh gơmù uă mờ bồ bơtơ\t dơng dà là mờr 5 thơk mờ gơ rê wơl tàm khà ờ do ờ dă.

Tềng đap bơta aniai kơn jơ\ ngan, pơhìn tus màng kis mờ phan bơna jơh dùl tiah dờng ơ nàng đah đơm bơtơ\t dờng dà, ồng Chu Văn Quyền – Kuang atbồ Công ty cổ phần hìu ma\y pờ tơlik ồs đèng Dak Kar, mblàng jơnau gơbàn là tài bơh hìu ma\y ờ hềt mut ngui, neh til van dà den uă lòng ro, dơm chi gơbu\ lơh kòl tàm phay ngơr dà lơh mpồng van tơnguh ờ gơ tùi.

Tàm gah sền ndai bơh gah atbồ dà lơgar dê, ồng Bùi Huy Thành, Kuang atbồ Sở Công thương càr Dak Nông kung ring bal mờ jơnau đơs bơh cau tờm bơcri priă dê sơl là, jơnau gơbàn kòl van yuh dà tih bơh broă lơh hìu ma\y pờ tơlik ồs đèng Dak Kar dê là tài bơh lòng ro mờ ù lu\ gơ bồr.

Khi gam dơng dà nàng mut ngui tơr lòng lài, tu\ gơtìp dà tih tus, bơta rồn bơklơn dờng den sơlơ lơh van gơtìp kòl ờ gơtùi tơnguh. Kung digơlan là tài bơh phan kơryan bơh đah bơdìh bè lòng ro mờ lu\ tàm hơ đơm tơnau dơng dà gơ hòr khà dà pràn ir neh gơtìp kòl.

Hìu ma\y pờ tơlik ồs đeng Dak Kar tu\ do neh rê wơl tàm khà ờ do ờ dă 

Ai ồng Lê Viết Thuận - Chánh văn phòng Mpồl đơng lam Rcang sơn dră trồ tiah lơh aniai mờ dong kờl rềs àr càr Dak Nông pà g^t, tàm tơngai do, mpồl lơh broă geh gơnoar kung neh sùm sền gàr tàm bơtơ\t dơng dà hìu ma\y pờ tơlik ồs đèng Dak Kar mơya kung ờ go\ sơl dơm chi kòl tàm phay lìu dà. Mơya, tềng đap bơta aniai kơn jơ\ ngan do, tiah do kung neh gơ lơh nrơ\t ndơl mờ kwi kwơ ngan.

Do là dơ\ mìu nhàc dà ko\ dà cò nisơna mờ tàm 30 nam do pa gơlik geh wơl, broă lơh hìu ma\y pờ tơlik ồs đèng Dak Kar den gam ơm tàm tu\ tơngai mut lơh ờ hềt mut ngui den tàng jơh ală broă lơh mut ngui ờ hềt geh rcang lài. Tài bơh dà tih rê tus nisơna, cau tờm bơcri priă kung ờ hềt g^t loh sơl tus bơta gơlik geh tàm trồ tiah, den tàng dà tih rê mhar ngan mờ ờ than bơsong.

 Broă gơtùi pờ 2 van yuh dà tih bơh broă lơh hìu ma\y pờ tơlik ồs đèng Dak Kar dê geh ai lơh pơn yơu bè tă geh siau phàu bơrtoh bơh “ nai [ồm dà” gơ ơm hơ đang bồ. Jơh dùl tiah đah đơm bơtơ\t dơng dà gơ wèt ù tiah càr Dak Nông, Bình Phước mờ Lâm Đồng, chờ hờp tă nhơm ngkhờc. Mơya, bơh bơta aniai ngòt rơngơ\t do pà go\, bơta sền ờ sơ\p bơh cau tờm bơcri priă broă lơh hìu ma\y pờ tơlik ồs đèng Dak Kar dê, bơta kwi kwơ, nrơ\t ndơl bơh anih lơh broă geh gơnoar tiah do dê tu\ rcang sơn dră mờ jơnau gơlik geh tàm kàl mìu nhàc dà ko\ dà cò.

Cau mblàng K’ Hạnh