VOV4.K’ho - Lồi poh lài, tàm [òn dờng Dà Làc, UBND càr Lâm Đồng pơgồp bal mờ Hiệp hội kơnuh sơnơm Hàn Quốc mờ kong ti cổ phần kơnuh sơnơm Việt bơyai Pơrjum dunia bè bơtàu tơnguh kơnuh sơnơm Việt nam. Jơnau yal tàm pơrjum ai go\, kơnuh sơnơm Ngọc Linh Việt nam mìng gơtùi tam hơ đơm mbur bơnơm Ngọc Linh, tu\ do gơtùi tam jat công nghệ cao tàm suơn geh rơkàng lơh gơlik is, ai cồng nha lơh geh mờ bơta niam uă, mờ khà priă dipal ndrơng jơnau kờ` ngui sa mờ tac hờ lơgar ndai. 

Jat jơnau yal tàm dơ\ pơrjum, tam tơr lòng lài kơnuh sơnơm Ngọc Linh mờ gar tàm ù ring bal mờ rơkàng jơm lơh gơlik is tàm càr Lâm Đồng tàm 5 nam do (bơh nam 2014 tus nam 2019) ai go\, tam kơnuh sơnơm Việt Nam jat công nghệ pa là broă gơtùi lơh ngan ngồn. Tờm kơnuh sơnơm tam bơh gar geh khà hòn, lì bơkàu, tơt plai, cồng nha tơnhàu uă. Kuơ màng, tờm kơnuh sơnơm tam tàm Lâm Đồng geh rơyas mờ tờm rơyas gơs niam ngan, geh khà saponin sơr lèt rlau mờ jơnau sồr bơh sră cih tơl khà sơnơm tơmba Việt Nam dê. Gar pic bơh tờm kơnuh sơnơm bơh 3 sơnam rlau hơđang tu\ tam wơl geh khà hòn rlau 80% mờ tờm kơnuh sơnơm hòn gơs niam ngan.

Gùt anih pơrjum

Giáo sư – Tiến sĩ Nguyễn Minh Đức – kuang atbồ khoa Dược, hìu bơsram Đại học Tôn Đức Thắng, là dùl tàm ală cau khoa học tus bal tơn tam kơnuh sơnơm Ngọc Linh tàm càr Lâm Đồng pà git, cồng nha tam tờm kơnuh sơnơm tàm càr Lâm Đồng jat công nghệ pa geh pơrya dờng màng ngan gơ wèt mờ bơta bơtàu tơnguh bơh kơnuh sơnơm Việt Nam dê. Do là dơ\ sơn rờp tờm kơnuh sơnơm geh tam uă tàm bă tiah ring mờ rơkàng jơm lơh gơlik is. Kung là dơ\ sơn rờp tờm kơnuh sơnơm geh ntrờ` tam gơtùi tàm càr Lâm Đồng, là tiah geh khà jơnhua ù tiah lơyah rlau, trồ tiah duh rlau mờ ơm ngài rlau mờ tiah tờm kơnuh sơnơm Ngọc Linh dê:

“Mờ bơta tam gơtùi kơnuh sơnơm tàm càr Lâm Đồng, ai geh bơta kơp kơ nờm tàm uă tiah ai dà lơgar he in. Bơh Lâm Đồng bal mờ khà jơnhua ù tiah kung bè trồ tiah bè hơ\ den ndrờm gơtùi tam kơnuh sơnơm. Kuơ màng là tàm Lâm Đồng dilah gơtùi ngui bơta [uơn do nàng tam kơnuh sơnơm jat công nghệ pa den cồng nha lơh geh bol he dê ngan là gơguh mhar ngan. Mờ kơp kờ` Lâm Đồng geh gơ gơs là dùl tiah tờm tam kơnuh sơnơm bơh lơgar Việt Nam dê tàm tơnơ\ do”.

Ală tờm kơnuh sơnơm Ngọc Linh geh tam mờ gar tàm Lâm Đồng

Tiến sĩ Phạm S – Phó Chủ tịch UBND càr Lâm Đồng đơs là, broă tờm kơnuh sơnơm Ngọc Linh hòn gơs niam tàm Lâm Đồng ờ mìng lơh geh bơta tam gơl pa bè bơta bơta tam pà tam tàm tiah ngài ngan rlau jơh hờ tiah đah jum bơh tờm kơnuh sơnơm dê, mờ gam lơh gơlik khà kơnuh sơnơm geh bơta kuơ mờ cồng nha lơh geh, bơta niam uă, pơgồp bơnah sền gàr pràn kơldang să jan làng bol, tă pơgồp tàm bơta bơtàu tơnguh lơh sa - mpồl bơtìan, nhơl chờ mờ sền gàr tiah ơm kis bơh càr Lâm Đồng dê:

“Bơh cồng nha kơlôi sơnơng kơnuh sơnơm Việt Nam ai go\ là hòn dờng mhar ngan. Bal mờ hơ\, khà saponin kờp bal ờ lơyah pơn drờm mờ tiah tam bơh jo\. Den tàng tàm tơngai tus, càr geh jàu Sở Khoa học mờ công nghệ bal mờ ală anih lơh broă geh gơnoar in pơn jat tai kơlôi sơnơng mờ lơh tơl khà broă tam kơnuh sơnơm jat gùng dà broă lơh ngui công nghệ cao. Jàu Sở Nông nghiệp mờ Phát triển nông thôn in git broă rơndap lơh nàng hời rơ hời tàm jàu broă tam uă tàm tơngai tus tàm càr Lâm Đồng”.

                            Tờm kơnuh sơnơm dùl sơnam geh ràng tơlik tàm pơrjum

Mờ ală cồng nha lơh geh tàm broă ntrờn tiah tam kơnuh sơnơm Ngọc Linh rê tam gơtùi tàm càr Lâm Đồng, Phó Giáo sư – Tiến sĩ Lê Quốc Doanh, Thứ trưởng Bộ Nông nghiệp mờ Phát triển Nông thôn pin dờn, tờm  kơnuh sơnơm geh gơ gơs là dùl tàm ală tờm chi tam bơtàu tơnguh lơh sa tờm ngan bơh càr Lâm Đồng dê. Bơh hơ\ làng bol geh tu\ [uơn geh ngui ală phan lơh gơs bơh kơnuh sơnơm mờ khà priă dipal nàng sền gàr pràn kơldang să jan mờ kơnuh sơnơm Việt Nam geh mhar gơ gơs là phan tac hờ lơgar ndai:

“Bộ khoa học công nghệ mờ Bộ Nông nghiệp mờ Phát triển Nông thôn kung neh geh uă kơnòl broă jơh bal khoa học kơlôi sơnơng, hơ\ sồng jơh bal pơlam lơh sa suơn sre nàng dong kờl càr, ală mpồl lơh sa kă bro tàm broă tam tờm chi lơh sơnơm đơs bal mờ tờm kơnuh sơnơm đơs is. A` pin dờn là, mờ cồng nha bơh sơn rờp lơh geh niam ngan bal mờ broă lơh ring niam, bơta jơh nùs bơh ală cau khoa học, ală mpồl lơh sa kă bro dê, ngan là bơta dong kờl bơh ală cau jak chài, ală mpồl lơh broă bơh lơgar Hàn Quốc dê, bal mờ bơta lơh ngan uă bơh càr Lâm Đồng dê, a` pin dờn là bơh bơta ngui jơnau bơceh công nghệ cao tàm broă tam tờm kơnuh sơnơm Việt Nam geh gơ gơs ngan ngồn mờ geh cồng nha niam”.

Cau mblàng K’Duẩn