VOV4.K’ho – Kơnhoàl Đức Phổ pa crơng gơs Hợp tác xã nhơl chờ [òn lơgar sơn rờp ngan bơh càr Quảng Ngãi dê tàm tiah nhơl chờ đah jum bơh Công viên địa chất Lý Sơn – Sa Huỳnh dê. Hợp tác xã nhơl chờ [òn lơgar sơn rờp do geh bơta lơi pơn rơ? Jà làng bol mờ gơp bơyô jòi git bal bơh jơnau cih cau lơh broă ban Anh Vinh tàm tiah tàm gùl dà lơgar dê.

Ù bo\ An Khê là dùl tàm ală anih tus tàm tiah nhơl chờ đah jum Công viên địa chất Lý Sơn – Sa Huỳnh. Tiah nhơl chờ do gam geh mat sơnđan là “Gùng rê hờ ală rài niam chài yô yau”. Bơta niam bơh tiah nhơl chờ do dê là jòi git ală bơta kuơ krơi is bơh rài chài rơ gơi Sa Huỳnh geh git go\ bơh 110 nam lài. Ù bo\ An Khê ơm rềp dà lềng mơya là ù bo\ dà sàng. Rlau 20 nam do, ùr bơklau mò Nguyễn Thị Dấn ơm tàm [òn Long Thạnh 2, xã Phổ Thạnh, kơnhoàl Đức Phổ ngai pah ngai lòt tras jàl tàm tiah ù bo\ An Khê nàng jòi sa. Tu\ [òn crơng gơs Hợp tác xã nhơl chờ [òn lơgar Gò Ma Vương, hìu bơnhă mò dê jơh nùs ngan tus bal Hợp tác xã do. Mò Nguyễn Thị Dấn yal: “Nac nhơl chờ tus ndo den he pơndiang khi lòt sền, lòt tềng lơi, he kung gơtùi lam khi tus”.

Ồng Trần Văn Trung, kuang atbồ Hợp tác xã nhơl chờ [òn lơgar Gò Ma Vương pà git, bơta pràn nhơl chờ tàm do uă mờ li la ngan, bơh ală tềl lời wơl niam chài Sa Huỳnh tus tiah ơm kis brê bơnơm niam ngan, ală phan bơna geh pơn rơ bơh tiah dà lềng Sa Huỳnh dê. Jat ồng Trần Văn Trung yal, làng bol tàm xã hòi jà crơng gơs Hợp tác xã nhơl chờ [òn lơgar ờ mìng kờ` sền gàr ală tiah tềl kah yau – chài rơ gơi, tiah niam geh pơn rơ, mờ gam lơh geh priă jền tai: “Tềng đap mat là geh broă blơi jơh ală phan lơh gơs bơh [òn lơgar dê, phan dà lềng gam kis, gam ris, phan kuơ màng kung bè ală bơta ka kup tàm ù bo\ dà sàng do”.

Ồng Nguyễn Minh Trí, Kuang atbồ Sở Văn hoá, Thể thao mờ Du lịch càr Quảng Ngãi pà git, càr Quảng Ngãi gam pơn jờng làng bol tus bal bơtàu tơnguh nhơl chờ [òn lơgar : “Broă lơh Hợp tác xã do pơn jờng làng bol ơm kis bơh jo\ tàm [òn lơgar lơh nhơl chờ. Tàm Công viên địa chất Lý Sơn – Sa Huỳnh, gah lơh chờ kung neh lơh uă, bơto pơlam làng bol lơh homestay, lơh bè lơi, nac nhơl chờ kờ` `chi drờm yal nàng khi in lơh”.

Cau mblàng K’Duẩn