VOV4.K’ho - Drim òr (26/8), tàm [làng dờng 10 nhai 3 [òn dờng Buôn Ma Thuột, càr Dak Lak, Bộ kuang àng pơgồp bal mờ kuang àng càr Dak Lak bơyai lơh dar du\t ndơl tiah đah jum dà lơgar pơrlòng Điều lệnh, cuh phào, võ thuật kuang àng làng bol dơ\ 5, nam 2019.

                                                    Kuang àng càr Dak Lak

Pơrlòng nam do geh 600 nă kuang bàng, cau ling gơwèt 10 mpồl tus bơh ală càr, [òn dờng đah jum dà lơgar tus bal.

Ală mpồl geh pơrlòng tàm ală bơnah pơrlòng tàm pang sră mờ lơh ală tơngu me bè: Điều lệnh mpồl, Nghi lễ kuang àng làng bol; võ thuật, sờr crăp phào, ală broă cuh phào ngui tam lơh, sền gròi broă lơgh, ngui phào crong geh ai; tàp ku\p cau tìs bơh ală broă geh lơh tơlòng.

Pơrlòng Điều lệnh, cuh phào, võ thuật kuang àng làng bol kờ` pơn jờng mpồl, geh kuơ mùl màl, chồl pràn broă pơrlòng tàp pràn să jan, nùs nhơm kơ\ dơn, tơnguh bơta pràn mpồl kuang àng, drơng geh cồng nha broă tam dră, sơndră mờ cau tìs, lơh jăk kơnòl chính trị geh Đảng mờ Dà lơgar jào.

Cau mblàng Ndong Brawl