VOV4.K’ho - Gơ-ơm kis tàm gùl brê dờng, hìu bơsram cấp 1 Dà Rsal, gơwèt [òn Dà Mpô, xã Liêng Srônh là dùl là ală hìu bơsram kal ke ngan gah bơto bơtê mờ bơsram kơnhoàl Dam Rông, càr Lâm Đồng dê.

Tàm gùl brê bu\ lah gam uă kal ke mờ ờ tơl, mơya mờ nùs nhơm gơboh mờ broă bơto, sơnđàc kơnòm dềt bơh ală cau pơgru dê, den tàng gam lơh ngan tus bơto sră ală kơnòm dềt in.

{òn Dà Mpô gơ-ơm is ngài mờ tiah tàm gùl xã Liêng Srônh, kơnhoàl Dam Rông, càr Lâm Đồng di pơgăp 20 kơi sồ. Do là [òn ơm kis bơh rơlao 200 hìu làng bol kòn cau Mông ntrờn bơh ală càr tiah đah tô dà lơgar mu\t tus.

              Dùl jơ bơto mờ bơsram bơh cau pơgru mờ kơnòm bơsram tàm hìu bơsram cấp 1 Dà Rsal

Bu\ lah [òn do neh ơm kis mờr 20 nam do, bơta Dà Mpô geh sơnđan là [òn uă ờ: ờ geh gùng lòt, ờ geh ồs đèng, ờ geh drà, ờ geh sóng điện thoại. Gùng lòt ngài, rài kis kal ke den tàng broă bơsram sră bơh ală oh kòn kung ờ hềt geh uă hìu nhă sền gròi sơl.

Kờ` lòt tus [òn Dà Mpô, bơto sră kơnòm dềt tàm do in, ală cau pơgru neh pal sơrlèt mờ uă glar bòl, kòl jan kal ke, guh g^t nđờ chàr bơnơm, tiah g^t nđờ nơm croh dà mờ g^t nđờ bơta ngòt rơngơ\t ngan.

Kah wơl ală ngai sơnrờp lòt gùng brê kờ` tus tàm [òn Dà Mpô bơto, pơgru Bạch Văn Thời, cau pơgru bơto tàm hìu bơsram cấp 1 Dà Rsal yal wơl, kờ` tus bơto di jơ, ală cau pơgru pal lòt lài nggùl [ùi hơ\ sồng tus. Tàm săk bơdìh mờ sră bơto, tu\ lơi kung pal cèng bal 2, 3 nơm ào mpha kờ` bơsoh, tài tàm kàl mìu den sùh, kàl prang den gơthul kơmbuh ù pơrhê jơh să bồ.

-Tu\ sơnrờp hìu bơsram pa geh lơh, tàm gùng lòt cau pơgru tìp uă ngan bơta glar bòl, kòl jan kal ke, ală cau pơgru pal tiă dà 2 dơ\ mờ rơkì. Pah dơ\ tiă dà dờng gơlơh nùs nhơm he bè pa klàs mờ chơ\t.

Tài đì rơkì ngòt rơngơ\t ngan, tàm hơ\ ngòt rơngơ\t ngan là ală ngai dà tih, ală cau pơgru ờ gơtùi tiă dà rê den tàng ơm wơl tơn tàm hìu bơsram.

Geh ală cau pơgru pal ơm wơl tus 1 nhai. Di lah đì rơndeh Honda den cau pơgru pal crăp che sreng mờ geh ală gơl gùng ờ gơtùi đì pal tề lòt 2 kơi sồ hơ\ sồng tus tàm hìu bơsram kờ` bơto.

Ờ mìng gùng lòt gơtìp kal ke, broă ờ wă jơnau đơs bal kung là bơta kal ke dờng màng ngan gơwèt mờ ală cau pơgru tu\ tus bơto tàm [òn Dà Mpô do.

Pơgru Đàm Thị Bài yal, bơta kal ke ngan tàm broă bơto tàm do là ală kơnòm dềt ờ g^t đơs dà yoan, den tàng cau pơgru pal bơsram tai dà đơs kòn cau Mông kờ` bơto sră ai ală kơnòm dềt in.

-Tàm do ală kơnòm bơsram ndrờm là kòn cau Mông, den tàng broă bơto geh tu\ tìp uă ngan kal ke. Pơgru sùm lam sồr ală kơnòm bơsram tàm ơdu\ đơs mờ dà yoan, tơmù đơs dà kòn cau kờ` ală kơnòm bơsram tơnguh bơtàu niam rơlao.

Ală cau pơgru tus tàm do cau lơi lơh ngan kờ` wă, bơsram tai dà đơs kòn cau Mông kờ` boh bơr mờ ală kơnòm bơsram đềt mềr rơlao.

Tu\ do jơh gùt [òn Dà Mpô geh rơlao 300 nă kơnòm bơsram gam bơsram ală cấp bơh mầm non tus mờ cấp 2. Geh uă rài kis bơh ală hìu làng bol kòn cau Mông tàm do ndrờm kơnờm mờ broă lơh mìr sre. Den tàng tus kàl tơnhào, uă kơnòm bơsram ơm ờ lòt bơsram kờ` jăt mè bèp lòt lơh broă.

Kờ` hòi ală kơnòm bơsram tus lòt bơsram wơl, ală cau pơgru pal tus tơl hìu lam sồr. Geh tu\, kơnòm bơsram mìng rơ\p 13, 14 sơnam gam lòt bơsram den sơbì bơsram mờ rê bao. Tu\ cau pơgru tus jòi kờ` g^t bè lơi den moăt ngan tài mè bèp ală kơnòm bơsram ờ kờ` kòn lòt bơsram tai.

Pơgru Phạm Thị Nguyên, kuang atbồ hìu bơsram cấp 1 Dà Rsal pà g^t, tu\ do kal ke ngan hìu bơsram dê là ờ hềt geh ồs đèng, den tàng broă bơto mờ bơsram bơh cau pơgru mờ kơnòm bơsram kung gơtìp kal ke sơl.

-Gùng ngài, geh kơnòm dềt lòt jơng g^t nđờ jơ hơ\ sồng tus tàm hìu bơsram. Gam bè công nghệ thông tin tài ờ geh ồs đèng, ală kơnòm bơsram kung kal ke tu\ hìu bơsram ờ gơtùi ngui công nghệ thông tin tàm broă bơto.

Tu\ do, tài ờ hềt geh ồs đèng den tàng phan puh càl ờ hềt crăp, tàm kàl prang trồ tiah duh, broă bơsram sră bơh ală kơnòm bơsram tìp uă kal ke tài trồ tiah tu\ ngai duh ngan.

Là cau tus ơm kis tàm [òn Dà Mpô uă nam do, ồng Sùng Seo Giáo chờ hờp yal, lài do ờ geh hìu bơsram, kơnòm dềt tàm [òn do ờ geh cau lơi g^t sră, bơh nam 2017 tus tu\ do, den tàm [òn neh geh 15 nă kơnòm lòt bơsram cấp 3, geh ờ uă kơnòm neh lòt bơsram trung cấp lơh broă. Uă oh kòn tàm [òn g^t sră den tàng ală bơhiàn ờ niam neh rơhời geh kơrian.

-Lài do ờ hềt geh hìu bơsram, làng bol kung kal ke ngan tài ală kơnòm dềt ờ geh cau lơi bơto sră, tus tu\ do, oh kòn neh geh bơsram sră. Ală kơnòm bơsram tu\ do cau lơi kung g^t sră jơh. Tu\ ờ hềt geh hìu bơsram, kơnòm dềt tàm [òn bao gờ` ngan. Tu\ do ală kơnòm dềt neh geh lòt bơsram, mờ g^t wă rơlao den tàng broă bao gờ` kung neh gơmù uă ngan.

Bu\ lah rài kis tàm “tiah gùl brê” Dà Mpô gam uă kal ke, glar bòl, mơya mờ nùs nhơm gơboh kờ` mờ broă bơto sră, sơnđàc kơnòm dềt bơh ală cau pơgru tàm do dê, pah ngai gam lơh ngan mu\t tàm brê, tiă dà, guh bơnơm kờ` tus bơto sră dong kờl ală kơnòm dềt làng bol kòn cau Mông tàm gùl brê kơnhoàl Dam Rông in g^t sră.

Cau mblàng Ndong Brawl