VOV4.K’ho- Tàm dơ\ lòt còp lơgar Lào bơh ngai 10- 12/2 jăt jơnau jà bơh Thượng tướng Vilay Lakhamphong, Bí thư Đảng Dà lơgar, Bộ trưởng Bộ An ninh lơgar Lào dê, Đại tướng Tô Lâm, Ủy viên Bộ Chính trị, Bộ trưởng Bộ Kuang àng Việt Nam bal mờ Mpồl kuang bàng kấp dờng màng ala măt Bộ Kuang àng Việt Nam neh tus ơn bơkàu tàm rùp mòn kah kơlôi Tam klăc bal tam lơh Lào mờ Việt Nam, còp Tiah tềl lời wơl Chủ tịch Hồ Chí Minh tàm [òn Xieng Vang, càr Khammuane, Trung Lào mờ boh bơr mờ cau Việt Nam ơm kis tàm do.

Bộ trưởng Kuang àng ồng Tô Lâm lòt bal mờ mpồl uh rơkèl tàm dơ\ bơyai lơh wa\ rò ngan ngồn

Ồng Tô Lâm đơs nền, Đảng mờ Dà lơgar Việt Nam sùm sền gròi mờ geh uă gùng dà broă lơh hòi jà, pơndờm pơnđiang cau Việt Nam ơm kis tàm lơgar ndai kah tus dà lơgar Dà lơgar, tàm sơm băt tê bal bơ\t bơtàu dà lơgar Việt Nam ngai sơlơ pas sơm niam bơne\; ràng tơlik nùs nhơm kơ\p kờ` cau Việt Nam gam ơm kis mờ lơh broă tàm lơgar Lào sùm tam klăc, kis gơrờm bal mờ [òn lơgar dơ\ 2, tă pơgồp ai broă lơh bơtàu tơnguh bơh dà lơgar he dê ơm kis, pơgồp bơnah sền gàr mờ sơlơ lơh niam bơne\ ai bơta gi\t gơ\p lơh bơyô bal dờng màng, bơta tam klăc bal kuơmàng mờ lơh broă bal tơl mờ ală bơta đah 2 lơgar Việt Nam mờ Lào mờ Lào mờ Việt Nam.

Cau mblàng Lơ Mu K’Yến