Ủy ƀan Ñân zân kơnhoàl Phú Thiện neh geh sră nggal dan mờ Ủy ƀan Ñân zân càr Gia Lai hòi jà ală mpồl lơh sa kă bro blơi bùm lô dong làng bol sơr lèt gan kal ke. Tàm kơnhoàl Phú Thiện, tŭ do geh rlau 3 rơbô 440 lồ, khà lơh geh kờp dŭ pơgap 68 rơbô 800 tấn, neh tơnhào geh pơgap 60% bă ù tam bùm. Bơh bồ kàl tơnhào tus tŭ do, giă tăc bùm lồ gơmù lơyah ngan. Ngan là, bơh 10 rơbô đông dùl kĭ, giă gơmù sùm gam 3 rơbô 500 đong dùl kĭ bè tŭ do. Giă tăc ờ yòm, mpồl lơh sa kă bro blơi ƀà ờ ƀà lơh cau lơh broă sa kal ke ngan.
Lồi nam lài, Cơldŭ lơh broă Lơh sa suơn sre mờ bơtàu tơnguh ƀòn lơgar kơnhoàl Phú Thiện neh lòt sền mờ sền gŏ bă ù tam bùm lô tàm kơnhoàl do dê gơguh rlau mờ nam lài pơgap 1 rơbô lồ, mờ neh tơngkah broă pờ ơnàng bă ù tam bùm ờ geh cau blơi sùm lơh cau tam bùm lô hoàc huơr tŭ mut tàm kàl tơnhào.
Viết bình luận