Càr Dăk Lăk là càr geh bă ù tam tờm sầu riêng uă ngan gùt lơgar dê, mờ rơlao 32 rơbô 700 lồ. Gùt càr neh geh 23 hìu dăp mờ 68 tiah tam mờ bă ù kờp jơh rơlao 2 rơbô 500 lồ neh geh đah lơgar Lo ai màh số drơng tàm broă tăc mờ lơgar bơdìh.

Kờp dŭ nam 2024, khà plai sầu riêng càr Dăk Lăk geh rơlao 300 rơbô tấn. Bơdìh mờ ală bơta pràn tàm lơh sa, gah phan sầu riêng càr Dăk Lăk kung geh uă bơta ờ pràn, bè geh uă tiah tam dềt, ờ tơrgùm; ờ geh pơgồp bal tàm broă lơh, tơrgùm blơi, lơh, prăp gàr mờ tăc plai sầu riêng; ờ hềt lơh jăt nền nòn ală jơnau sồr sền gròi kòp tàm phan tam mờ lơgar blơi geh sền gròi. Nàng di pal mờ jơnau kờñ drà kă bro lơgar bơdìh in, ală kwang bàng neh sồr geh ờ uă broă lơh bè: Tơnguh uă rơlao tai bơta pràn atbồ, bơyai lơh bơh ờ uă hợp ták xã, mpồl lơh broă bal; Atbồ niam màh tiah tam; Tơnguh broă mblàng yal tơnguh jơnau git wă bơh làng bol dê bè khà niam bơkah bơh tiah tờm.