Cồng nha bơh dơ̆ livestream ờ mìng tus bơh gĭt nđờ rơbô dơ̆ jat sền, tơm bơh bơr tơn tàm internet lơm mờ gam geh lơh ngan ngồn mờ 3 tơmàn 800 tơlak đong bơh ală mpồl lơh sa kă bro lòt bal dong kờl sàh Ea Knuêc lơh mờ bơtàu tơnguh tiah tam sầu riêng kơ̆ kơl jăp jŏ jòng.

Do là bơta pràn kwơ màng dong tơnguh uă bơta kwơ phan lơh geh bơh broă lơh sa suơn sre mờ lơh kơ̆ rlau tai bơta pin dờn bơh làng bol dê tàm bơta lòt bal bơh gơnoar atbồ. Ờ mìng ơm wơl tàm broă yal tơngĭt phan bơna lơm, broă lơh neh đơs nền nùs nhơm khin cha kơlôi khin cha lơh, rềp làng bol, mềr mờ làng bol bơh kwang bàng dê tàm tơngai càr Dăk Lăk lơh broă gơnoar atbồ ƀòn lơgar 2 kấp. Do kung là cơng tàng loh làng ai nùs nhơm lơh ngan “kơlôi sơnơng ngan, đơs ngan, lơh ngan, geh cồng nha ngan, làng bol dờp geh ngan”.