Dơ̆ pơrlòng neh gơ hòi gơ jà bơta tus bal bơh 41 mpồl tus bơh ală càr, ƀòn dờng: Sơn La, Quảng Trị, Dăk Lăk, Lâm Đồng, Hà Nội mờ ƀòn dờng Hồ Chí Minh. Bơh ală dar sac rơ wah, 8 mpồl pơrlòng jak ngan rlau jơh neh mut tàm dar dut ndơl, yal ală broă lơh tơrgùm tàm sơngka sền gàr tơlir, tơrmù tuh tơlik nhơm ƀơ̆, lơh sa tàm pơdar, tam gơl sồ mờ tơrbŏ bal ală mpồl lơh kơphe. Ală mpồl pơrlòng neh ai tơnggŏ nùs nhơm tam gơl pa bơceh lơh pràn ngan, gơ jat bal nền nòn mờ jơnau sồr gơ dờp mờ tam gơl nhơm trồ tiah, sền gàr tiah ơm kis mờ tơnguh priă lơh geh bơh gah lơh kơphe dê. Uă broă lơh cèng bơta ngan ngồn uă ngan, gơtùi lam lơh uă tàm tơngai tus. Dơ̆ pơrlòng geh kơp kơnờm rơp pơn jat tai lơh gơ rề uă nùs nhơm tam gơl pa bơceh lơh, pơgồp bơnah chồl tơnguh broă tam gơl tơlir mờ bơtàu tơnguh kơnhăp jŏ gah lơh kơphe Việt Nam tàm tŭ tơngai tam gơl nhơm trồ tiah ngai sơlơ gơguh uă.