Kàl tơnhào kơphe nam 2025-2026 tàm càr Dăk Lăk gam geh bơyai lơh tàm bơta trồ tiah ờ niam bè mìu jŏ mờ gơbam dà. Nàng gàr niam, geh kwơ bơh gah phan kwơ màng ngan càr dê, Anih duh broă Làng bol càr Dăk Lăk neh tơlik jơnau Sồr bè broă lơh, tơnhào, lơh gơs mờ kă bro kơphe kàl nam 2025-2026, nàng geh cồng nha lơh sa, bơkah phan geh lơh mờ bơtàu tơnguh gah phan kơphe jăt gùng dà broă lơh kơl jăp.

Anih duh broă Làng bol càr Dăk Lăk đơs uă ngan tus mờ jơnau sồr pic plai kơphe tơl dum, gàr bơta bơkah, bañ tài trồ tiah ờ niam mờ pic plai gam lir. Ală tiah geh sồr tơnguh broă mblàng yal, lam sồr làng bol lơh broă sa bañ tơnhào plai kơphe lir; sền gròi nền nòn broă blơi kơphe, tam dră mờ broă blơi plai kơphe lir, ờ git suơn tam, ờ tơl bơkah niam. Anih duh broă Làng bol càr Dăk Lăk kung sồr mpồl kwang àng tơnguh broă sền gàr lơngăp lơngai tàm kàl tơnhào kơphe, rơcang lài, tam dră mờ ală broă kơñao pic plai kơphe, tò dong, sơgràm priă tăc.