Càr Dăk Lăk tŭ do geh 803 Hợp tak xã, gơhòi gơ jà pơgăp 71 rbô nă cau mờ 23 rbô nă cau lơh broă sùm. Priă lơh geh bơh lơh sa kă bro kờp bơh bơh Hợp tak xã dê geh pơgăp 1 tơmàn 800 tơlak đong dồ nam. Ală Hợp tak xã, mpồl lơh broă bal tàm càr neh bơh sơnrờp pơgồp bal mờ ală anih lơh gơlik phan, lơh broă bal lơh bal mờ ală mpồl lơh sa kă bro mờ lơh geh cồng nha.
Jăt ồng Huỳnh Bài, Củ tịc Ală Hợp tak xã càr Dăk Lăk dê yal, tŭ do, nàng ală Hợp tak xã bơtàu tơnguh geh cồng nha, tàm tơngai tus gơnoar ătbồ ală kâp kờñ pal geh gùng dà broă lơh adăt boh lam dong kờl ală Hợp tak xã tă bơsong kal ke, lơh pràn bơtàu tơnguh lơh sa. Mơkung jơh nùs dong kờl ală Hợp tak xã tàm broă lơh hòi jà kă bro, yal tơngĭt phan bơna, lơh bal lơh sa, lơh gơlik phan bơna gơ jăt bal mờ bơta pràn, bơta ƀươn bơh tơl tiah, tơl ƀòn dê.
Viết bình luận