Pal đơs là, tơnơ̆ 6 nam bơtàu tơnguh ală phan OCOP, tus dơ̆ sac rơ wah do, Dăk Lăk mìng geh 2 phan sơn rờp tơl khà tus bal sac rơ wah phan OCOP 5 sơmañ (kâp dà lơgar) là kơphe pì Kiên Cường bơh Kông ty TNHH MTV Kiên Cường, ƀòn dờng Buôn Ma Thuột mờ gar mắc ca Dăk Lăk kas màng bơh Kông ty Kổ phần Damaca Nguyên Phương, kơnhoàl Krông Năng. Do là ală phan sơn rờp bơh càr Dăk Lăk dê tus bal sền sơ wì sac rơ wah phan OCOP kâp dà lơgar nam do, ai gŏ broă lơh ngan bơh càr dê tàm broă tơnguh bơta kuơ mờ yal tơnggit phan OCOP tus mờ uă drà kă bro tàm lơgar mờ bơdìh lơgar.

Bơh rlau 6 nam lam lơh Broă lơh tơl xã dùl phan bơna gơ jat bal mờ bơt bơtàu ƀòn lơgar pa, tus tŭ do, càr Dăk Lăk geh 237 phan OCOP. Nam 2024, Mpồl duh broă OCOP kâp càr rơp sền sơ wì, sac rơ wah ai 44 phan tơl khà 4 sơmañ bơh càr dê sồr.