Nàng gàr tơl dà tuh ai bă tiah lơh kòi bơh ƀòn dờng Kon Tum tàm tiah ờ ngơr  dà tơnau dơng dà Hìu măi lơh đèng dà Yaly, mpồl lơh broă geh gơnoar ngui 3 Trạm ƀồm dà mờ đèng tàm xã Ngọc Bay mờ Ving Quang ngai mang bồm dà bơh dà dờng Đăk Bla nàng rcang lài sơndră mờ trồ prang dờng.

Mờ bơta pràn dùl trạm bồm dà pơgap 600 khối dùl jiơ pơgồp bal mờ bồm dà tàm pơr dờn, tàm pà dà, ngui dà di pal, tŭ do tàm ală trạm bồm dà kung gam gàr tơl dà tuh ai rlau 400 lồ kòi sre tàm tơngai kòi lik tơrgùm tàm ală xã: Ngọc Bay, Vinh Quang mờ Đoàn Kết. Gơwèt mờ 2 Trạm bồm dà mờ đèng ndai là Tà Rộp mờ Tà Wắc tàm xã Đăk Năng tơnau dơng dà nàng jồp dà gơtìp ờ tơl dà, mpồl lơh broă kung neh geh broă lơh nàng kờñ tơrmù ƀà hoàc huơr ai làng bol in.