VOV4.K’ho- Ngai 10/1, tàm Đồng Tháp, Bộ Nông nghiệp mờ Phát triển Nông thôn bơyai lơh Pơrjum sền swì cồng nha lơh jăt Broă lơh Tơl xã dùl bơta phan (OCOP) mờ kơnòl broă nam 2020 ai ală càr tiah đah jum dà lơgar in.

Jăt jơnau yal bơh Bộ Nông nghiệp mờ Phát triển Nông thôn dê, broă lơh tơl xã dùl bơta phan tơngai bơh nam 2018- 2020 neh lơh gơrề pràn kơldang tàm làm gùt lơgar; geh bơta dùl nùs bal bơh mpồl bơtiàn mờ gơnoar ătbồ ală kấp dê, gơcèng tus bơta gơdờp niam ngan tàm bơ\t bơtàu [òn lơgar pa.

Tàm pơrjum, Thứ trưởng Bộ Nông nghiệp mờ Phát triển Nông thôn ồng Trần Thanh Nam sồr ală tiah sền gròi bơtàu tơnguh ală phan bơna geh lài, phan bơna gam lơh gơs, phan bơna gơ ơm tàm bồ tơngoh kơlôi sơnơng mờ pơlam nàng cau tờm anih lơh sa in lơh jăt ală jơnau sồr tơl khà OCOP.

Nam do, broă lơh OCOP geh lơh tơl khà, dờp tai êt ngan kung là bơh 1.200 phan bơna nàng lơh geh jơnau kờ` 2.400 phan bơna. Bơyai lơh sền swì săp sèng phan bơna kấp dà lơgar dơ\ dùl tàm quý 3 tus.

Cau mblàng Lơ Mu K’Yến