VOV4.K’ho - Ngai òr (10/9), Tỉng uỷ Dak Lak bơyai lơh pơrjum tơn jơh 15 nam lơh broă bơh mpồl lơh broă lam sồr làng bol tàm ală cấp tơngai bơh nam 2004 tus 2019.

Tàm ală nam do, ală mpồl lơh broă sùm pơgồp bal mờ cấp uỷ, gơnoar atbồ, mpồl lơh broă bal mờ ală gah, mpồl lơh broă geh gơnoar tàm càr lơh niam broă lam sồr làng bol lơh jăt niam ală gùng dà broă lơh bơh Đảng, adăt boh lam bơh Dà lơgar; tus bal lam sồr, bơto sồr làng bol tơnguh bơtàu lơh sa, tơn jơh jơgoh tơmù rơ[ah mờ tus bal ală broă tơnguh bơtàu lơh sa mpồl bơtiàn…

Jăt ală kuang bàng tus pơrjum yal, tơnơ\ mờ 15 nam chồl pràn broă lam sồr làng bol tàm ală tiah, bơta lơngăp lơngai ờ do ờ dă tàm càr Dak Lak neh geh gàr niam; broă lơh bơh ală mpồl dră wơl bè mpồl FULRO, Tin lành Đềga neh gơtìp kơrian.

Mơya, ală kal ke pa bè bơta lơngăp lơngai ờ do ờ dă gơbàn tai mờ gơguh, bè bơta mus brê lơh mìr, tam phà ù tiah, tam phà bơh làng bol mờ anih lơh sa kă bro… Ală kuang bàng neh cri bơyai mờ yal ală jơnau đơs kờ` tơnguh uă cồng nha broă lơh bơh mpồl lơh broă lam sồr làng bol tàm ală cấp tàm tơngai tus.

Cau mblàng Ndong Brawl