VOV4.K’ho - Mho òr (28/7), tàm [òn dờng Buôn Ma Thuột, Mpồl tam klăc ơruh pơnu Việt Nam càr Dak Lak bơyai lơh tơrgùm ơruh pơnu lơh broă lam lài kàl rơlôi bơkang tơlir nam 2019.

Broă lơh nam do mờ tơngu me “Ơruh pơnu càr Dak Lak lơh broă dong kờl is tài mpồl bơtiàn” geh lơh bơh ngai 8 tus ngai 28 nhai 7 tàm 15 kơnhoàl, thị xã, [òn dờng mờ broă tus bal bơh rơlao 8 rơbô nă đoàn viên ơruh pơnu.

Ală mpồl ơruh pơnu lơh broă nùs nhơm dong kờl neh pơgồp bal mờ ală mpồl ơruh pơnu tàm ală tiah bal mờ làng bol dă bêtông 4 kơi sồng gùng lòt tàm [òn; pà rơlao 4 rơbô pang sră lam sồr bè bơta pràn kơl dang să jan deh dùh kơnòm pa tào, deh dùh di kơrhia tàm hìu nhă; pà rơlao 500 pò phan ai ală hìu nhă geh rài kis kal ke mờ khà rơlao 100 tơlăk priă; pơgồp bal lơh 32 dơ\ coh plai kơnòm pa tào, kơnòm dềt mờ broă tus bal bơh rơlao 2 rơbô 200 nă kơnòm dềt…

Cau mblàng Ndong Brawl