VOV4.K’ho - Tỉnh uỷ Dak Lak pa bơyai lơh pơrjum tơn jơh 3 nam lơh jăt Chỉ thị sồ 05 bơh Bộ Chính trị bè “Bơsram mờ lơh jăt ơnà jăk, nùs nhơm niam, broă lơh Bác Hồ dê” mờ 50 nam lơh jăt jơnau nting bơr lời wơl bơh Bác Hồ dê.

Tơngai do, ală cấp, ală gah lơh broă, ală mpồl lơh broă tàm càr Dak Lak neh geh uă broă lơh bơceh pa, pơrlòng pràn, mùl màl, tơl^k go\ nùs nhơm bơsram mờ lơh jăt ơnà jăk Bác Hồ dê loh làng ngan.

Bè cồng nha 50 nam lơh jăt jơnau nting bơr lời wơl bơh Bác Hồ dê, Đảng bộ, gơnoar atbồ bal mờ làng bol ală kòn cau tàm càr Dak Lak neh ai geh broă tam gơl pa pràn kơl dang tàm broă tơnguh bơtàu lơh sa mpồl bơtiàn, gàr niam broă lơh sa geh tam gơl di pal; sền gàr bơta lơngăp lơngai dà lơgar geh gàr niam, broă chính trị geh lơh mờ gơguh sùm.

Ồng Phạm Minh Tấn, Phó Bí thư Tỉnh uỷ Dak Lak pà g^t, tơngai tus, cấp uỷ, gơnoar atbồ ală cấp tàm càr geh tơrgùm rơlao tai kờ` đơng lam, lam sồr lơh jăt broă bơsram mờ lơh jăt ơnà jăk, nùs nhơm niam, broă lơh Bác Hồ dê mùl màl; tơmù geh broă lơh gời, pơgồp bal tàm broă kơrian bơta ờ niam ơnà jăk, chính trị, nùs nhơm, rài kis bơh kuang bàng, cau geh đảng.

       Cau mblàng Ndong Brawl