VOV4.K’ho - Lơh jăt Chỉ thị sồ 35/2019 bơh Bộ Chính trị bè pơrjum Đảng bộ ală cấp wèt tus pơrjum dờng cau ala măt gùt lơgar dơ\ 13 Đảng dê, ală cấp uỷ Đảng tàm càr Dak Lak gam lơh ngan rơcang pơrjum dờng Đảng cấp xã, cấp kơnhoàl mờ cấp càr tơnơ\ mờ tơngai lơh jăt cah ngài mpồl bơtiàn.

Đảng bộ càr Dak Lak tu\ do geh rơlao 810 mpồl đảng tàm ală tiah mờ mờr 75 rơbô nă cau geh đảng. Tus tu\ do, rơlao 4 rơbô 800 chi bộ gơwèt đảng bộ xã bơyai lơh pơrjum dờng, geh rơlao 95%.

Jăt ồng Phạm Minh Tấn, Phó Bí thư Thường trực Tỉnh uỷ Dak Lak yal: Lơh jăt Chỉ thị sồ 15, 16 bơh Thủ tướng Chính phủ bè broă lơh jăt ală broă lơh mhar rơcang sơndră mờ kòp Covid-19, tơngai do, càr Dak Lak neh ơm ing broă bơyai lơh pơrjum dờng, tơngai bơyai lơh pơrjum dờng Đảng bộ xã bu\ lah gơtìp lơyài mơya ờ lơh gơbàn ờ niam tus mờ rơndăp broă lơh bal càr dê.

Di gơlan tus lồi nhai 6, càr Dak Lak geh lơh gơs pơrjum dờng đảng bộ cấp xã, pơrjum dờng đảng cấp kơnhoàl geh lơh gơs tàm ngai 30 nhai 8, pơrjum dờng cấp càr geh bơyai lơh tàm nggùl nhai 10.

Cau mblàng Ndong Brawl