VOV4.K’ho - UBND càr Dak Nông pa lơh jăt khà dong kờl mờr 110 tơmàn đong kờ` dong kờl 3 mpồl cau di jăt mờ kơrnoăt tàm nghị quyết sồ 42 bơh Chính phủ dê bè ală broă dong kờl làng bol gơtìp kal ke tài kòp Covid-19.

Jăt mờ hơ\, khà dong kờl geh lơh jăt ai mờr 135 rơbô nă cau gơwèt 3 mpồl, tàm hơ\ geh: cau geh màng mờ dà lơgar, cau geh mpồl bơtiàn dong kờl mờ cau gơwèt hìu rơ[ah, hìu ndrờm mờ rơ[ah tàm càr do.

Gơwèt mờ mờr 13 rơbô nă cau gơwèt tàm mpồl cau geh màng mờ dà lơgar mờ cau geh mpồl bơtiàn dong kờl, khà priă dong kờl geh là 500 rơbô đong tàm 1 nă. Mpồl cau gam tai geh dờp khà dong kờl 250 rơbô đong tàm 1 nă.

Khà priă lơh jăt broă dong kờl geh rơlao 81 tơmàn bơh kes priă prăp gàr rơcang lài mờ kes priă prăp gàr bơh UBND càr dê; rơlao 28 tơmàn đong bơh kes priă prăp gàr rơcang lài ală kơnhoàl, [òn dờng. Tu\ do, mpồl lơh broă do gam mhar tơrgùm khà măt cau kờ` dong kờl mhar tus mờ ală cau.

Cau mblàng Ndong Brawl