VOV4.K’ho - Pơrjum pa do, HĐND càr Dak Nông neh ring bal uă nghị quyết kuơ màng tàm ală gah broă lơh sa mpồl bơtiàn.

Tàm hơ\ geh ală nghị quyết dong kờl cau rơ[ah, làng bol lơh broă sa tơnguh bơtàu lơh sa gơguh jăk tàm rài kis.

Mùl màl là Nghị quyết bơtơl ờ uă broă gơwèt broă tơmù rơ[ah kơl jăp càr Dak Nông dê, tàm hơ\ hìu rơ[ah geh dong kờl priă blơi sră bảo hiểm y tế lơh is; dong kờl tă priă bơsram mờ kàh 100 rơbô priă tàm dùl nhai dùl nă kơnòm bơsram. Bơdìh hơ\ tai, ală hìu pa klàs mờ rơ[ah geh dong kờl jơh priă cồng càn priă bơh Ngân hàng Chính sách Xã hội kờ` tơnguh bơtàu lơh sa; dong kờl lơh hìu ơm…

Nghị quyết geh ai khà priă dong kờl tơnguh bơtàu broă lơh bơtơ\t dềt, rơbòng dà tàm [làng sre mờ tuh dà gơguh jăk, tềm pềr dà tàm càr Dak Nông, jăt mờ hơ\, geh dong kờl jơh khà priă lơh mờ priă ơpah măi lơh tu\ bơcri priă lơh anih prăp dà tàm ală tiah kal ke; dong kờl uă ngan 40 tơlăk priă tàm 1 lồ ù ai làng bol ngui công nghệ tuh dà pa…

Cau mblàng Ndong Brawl