VOV4.K’ho - Phó Chủ tịch UBND càr Gia Lai ồng Kpă Thuyên pa k^ tơl^k sră nggal sồr chồl pràn broă tơnguh bơtàu ròng rơpu, kơnrồ, iar ơda mờ phan tàm dà kờ` bơsal wơl khà poăc sur ờ tơl tài kòp jê ndul gơjroh sur châu Phi, tàm hơ\ uă ngan là di tàm bồ nam 2020.

Jăt mờ hơ\, Sở Nông nghiệp mờ Phát triển Nông thôn geh kơnòl bơto sồr lơh jăt broă ròng wơl sur, mờ bơto sồr ngui geh cồng nha ală broă lơh niam ờ do ờ dă sinh học tàm broă ròng phan.

Ală tiah bơyai lơh sền gròi, ai go\ bơta geh tơl niam ròng wơl, tơnguh broă bơto sồr, sền gròi broă ròng mờ broă sơndră mờ kòp. Chồl pràn broă tơnguh bơtàu lơh sa mờ ròng ală bơta phan rơpu, kơrnồ gàr niam 3 kơrnoăt niam ờ do ờ dă sinh học, ndrờm bal broă kờ` mờ rài kis lơh broă sa mpồl bơtiàn.

Mpồl lơh broă geh gơnoar bal mờ ală tiah tơrgùm boyai lơh kơrian, di tu\ go\ mờ lơh glài nền nòn ală cau blơi, pơn diang kă bro ờ di mờ adăt boh lam phan ròng, poăc phan ròng bơh lơgar bơdìh.

       Cau mblàng Ndong Brawl