VOV4.K’ho - UBND càr Kon Tum pa ring bal jơnau yal bơh Sở Văn Hoá, Thể thao mờ Du lịch bè broă k^ rơndăp broă “Prăp gàr, tơnguh phan soh ờs mờng ală jơi bơtiàn kòn cau càr Kon Tum tơngai bơh nam 2020 tus 2030”.

Jăt rơndăp broă geh ai, rơndăp broă prăp gàr mờ tơnguh phan soh ờs mờng kòn cau càr Kon Tum geh tam pà lơh gơs bàr tơngai. Tơngai dơ\ sơnrờp bơh nam 2020 tus 2025, càr geh sền kuơ broă lam sồr pơgồp bal mờ broă lùp sền, sền gròi, lơh sră bè broă tà` phan ờs mờng, phan soh, cau chài pơgồp bal mờ broă chồl pràn broă bơto tà` phan.

Tơngai dơ\ 2 bơh nam 2026 tus 2030 pơn jăt tai lơh ală broă bơh tơngai dơ\ sơnrờp; dong kờl lơh 4 broă lơh ràng tơl^k, yal, tăc phan soh ờs mờng ală jơi bơtiàn kòn cau, 2 broă lơh prăp gàr mờ tơnguh phan tà`.

Ală broă lơh bè bơyai lơh pơrlòng soh phan ală jơi bơtiàn kòn cau, cau hàng niam ală jơi bơtiàn kòn cau, lơh chờ chài rơgơi phan tà` càr Kon Tum pơgồp bal mờ ngai tam klăc bal ală jơi bơtiàn kòn cau Việt Nam, ngai phan tềl kah yau chài rơgơi Việt Nam kung geh bơyai lơh jăt tơngai tàm tơngai dơ\ 2 bơh rơndăp broă lơh do.

Cau mblàng Ndong Brawl