VOV4.K’ho - Tềng đăp mờ kal ke bơh trồ tơngai duh, tàm kơnhoàl tiah nhàr dà lơgar Ia H’ Drai, càr Kon Tum bal mờ broă rơcang sơndră mờ ồs sa brê, gơnoar atbồ, làng bol bal mờ anih lơh sa kă bro tàm do gam pal lơh ngan rơcang sơndră mờ ồs sa cao su, tài do là tiah geh bă ù tam cao su uă ngan.

Kơnhoàl tiah nhàr dà lơgar Ia H’Drai, càr Kon Tum tu\ do geh rơlao 24 rơbô lồ ù tam cao su ndrờm gơwèt anih lơh sa kă bro mờ mpồl ling lơh sa lơh tòm.

Bu\ lah lài mờ kàl prang mờ tàm kàl prang, ală mpồl lơh broă neh lơh ngan mus pès chi che jăt gah kờ` kơrian ồs, mơya tài bă ù ơnàng den tàng uă tiah gam di gơlan gơbàn ồs sa uă ngan.

Kờ` gàr niam phan bơna, tàm hơ\ uă ngan là tàm tơngai trồ tơngai duh tu\ do, ală mpồl lơh broă ndrờm tơnguh mpồl lơh broă tus sền gàr ngai kung bè mang kờ` rơcang sơndră mờ ồs sa; bơyai lơh crơng gơs ală mpồl sơndră mờ ồs sa ơm sền gàr tàm sàl gàr ồs, lòt sền gròi tàm suơn cao su mờ sền gròi ală broă lơh hờ bơdìh suơn cao su ngai kung bè mang.

Cau mblàng Ndong Brawl